गुजरातच्या राजकोटमध्ये खोट्या नोटा छापल्याचा धक्कादायक प्रकार समोर आला आहे. राजकोट शहर स्पेशल ऑपरेशन ग्रुपने रैयाधार परिसरात छापा टाकून खोट्या नोटांची फॅक्टरी चालवणाऱ्या एका व्यक्तीला अटक केली आहे. आरोपीने या नोटा बाजारात आणण्यापूर्वीच पोलिसांनी १०० आणि २०० रुपयांच्या ३८ खोट्या नोटा जप्त केल्या आहेत.
प्राथमिक चौकशीत आरोपीने कबूल केलं की, कर्जामुळे त्याने खोट्या नोटा तयार करण्यास सुरुवात केली होती. एसओजीच्या टीमला मिळालेल्या माहितीनुसार, रैयाधार परिसरातील एका गोशाळेच्या शेजारी असलेल्या खोलीवर छापा टाकण्यात आला. या कारवाईदरम्यान नैतिक अग्रावत नावाच्या व्यक्तीला ताब्यात घेण्यात आलं.
पोलिसांनी खोलीची झडती घेतली असता, तिथे एक प्रिंटर-कम-स्कॅनर, कटर, पेन्सिल, ए-४ आकाराचे कोरे कागद आणि १०० रुपयांच्या दोनही बाजूने छापलेल्या १५ बनावट नोटा सापडल्या. विशेष म्हणजे या सर्व नोटांचा सिरीयल नंबर (६६३५९८) एकच होता. याशिवाय १०० रुपयांच्या एका बाजूने छापलेल्या ३४ नोटाही जप्त करण्यात आल्या आहेत.
आरोपीवर कर्जाचा डोंगर होता आणि तो आर्थिक विवंचनेत होता. अवघ्या आठवड्याभरापूर्वी त्याने यूट्यूबवर व्हिडीओ पाहून खोट्या नोटा कशा छापायच्या याचं प्रशिक्षण घेतलं. तीन दिवसांपूर्वी त्याने दोन नोटा छापून त्या यशस्वीपणे बाजारात चालवल्या होत्या. त्यानंतर त्याने मोठ्या प्रमाणावर नोटा छापण्यास सुरुवात केली, पण त्या बाजारात जाण्यापूर्वीच पोलीस त्याच्यापर्यंत पोहोचले. अटक करण्यात आलेल्या आरोपीवर यापूर्वी अपहरण आणि बलात्कारासारखे गंभीर गुन्हे दाखल असल्याची माहिती पोलिसांनी दिली आहे
Web Summary : Rajkot: A man was arrested for printing counterfeit 100 and 200 rupee notes at home after learning the process from YouTube. He aimed to repay his debts but was caught before circulating them widely. The accused has previous charges of kidnapping and rape.
Web Summary : राजकोट: यूट्यूब से नकली नोट छापने का तरीका सीखने के बाद एक व्यक्ति को घर पर ही 100 और 200 रुपये के नकली नोट छापने के आरोप में गिरफ्तार किया गया। उसका लक्ष्य कर्ज चुकाना था, लेकिन व्यापक रूप से प्रसारित करने से पहले ही उसे पकड़ लिया गया। आरोपी पर पहले अपहरण और बलात्कार के आरोप हैं।