ठळक मुद्देरवी नट भरतपूर जिल्ह्यातील नगर कस्बे याठिकाणचा रहिवासी होता, अलवरमध्ये तो भाड्याच्या घरामध्ये राहत होता.
राजस्थानमधील अलवर या शहरातून पुढे आलेली गायिका रेणू नागरच्या प्रियकराने आत्महत्या केली आहे. विषारी पदार्थ खाल्ल्याने तिचा बॉयफ्रेंड रवी नट याचा गुरुवारी रात्री मृत्यू झाला आहे. प्रियकराच्या मृत्यूची माहिती कळताच रेणू बेशुद्ध झाली असून तिला मित्तल रुग्णालयामध्ये दाखल करण्यात आले आहे. रेणूची प्रकृती अत्यंत खराब आहे. तिच्यावर रुग्णालयामध्ये उपचार सुरू आहेत.
उशिरा रात्री रेणूचा बॉयफ्रेंड रवी नटला विषारी पदार्थ खाल्लेल्या अवस्थेत रुग्णालयामध्ये दाखल करण्यात आले होते. अलीकडेच रवी नट आणि रेणू नागर या प्रेमीयुगुलाने घरातून पलायन केले होते. रेणूच्या वडिलांनी त्याच्या विरोधात मुलीला पळवून नेल्याची तक्रार दाखल केली होती. 5 दिवसांपूर्वीच ते परतले होते. पोलिसांकडे गायिकेचा जबाब नोंदवून झाल्यावर रवी नटला सोडण्यात आले होते.
गेल्या रात्री त्याने विष प्राशन केले, त्याची तब्येत बिघडू लागल्याने कुटुंबीयांनी त्याला रुग्णालयामध्ये दाखल केले, मात्र त्याचा जीव वाचला नाही. त्याने विषप्राशन का केले याबाबत त्याच्या वडिलांनी काही माहित नसल्याचे सांगितले आहे. याप्रकणी एनईबी पोलिसांंनी नगर पोलिसांना माहिती दिली आहे.
रवी नट भरतपूर जिल्ह्यातील नगर कस्बे याठिकाणचा रहिवासी होता, अलवरमध्ये तो भाड्याच्या घरामध्ये राहत होता. सध्या तो त्याच्या नगर या गावीच राहत होता.
अन्य महत्वाच्या बातम्या...
मोठी बातमी! महाड तालुक्यात पाच मजली इमारत कोसळली, अनेकजण अडकल्याची भीती
पत्नी सेक्स करू देत नसल्याने पतीने केली आत्महत्या, पोलिसात गुन्हा दाखल
चिमुकल्या मुलींसह आईने स्वत:ला संपविले, राजापूर तालुक्यातील रायपाटण येथील दुर्घटना
सुशांत सिंग राजपूत प्रकरणात मुंबई पोलीस बॅकफूटवर; जाणून घ्या, सीबीआय कसा करणार तपास?