नवी दिल्ली - देश सध्या कोरोनाच्या भयंकर संकटाचा सामना करत आहे. याच दरम्यान अनेक धक्कादायक घटना समोर येत आहेत. 500 सीसीटीव्ही कॅमेरे, 800 तासांचं फुटेज आणि 200 लोकांची चौकशी केल्यानंतर पोलिसांसमोर भलतंच सत्य आल्याची घटना घडली आहे. हैदराबादमध्ये बलात्काराच्या दोन घटना समोर आल्या. मात्र तपासादरम्यान या घटनांची पोलखोल झाली आहे. पोलिसांनी या प्रकरणाचा तपास करण्यासाठी शेकडो सीसीटीव्ही कॅमेरे आणि अनेक तासांचं फुटेज पाहिलं. पण यानंतर चौकशीतून ही दोन्ही प्रकरणं खोटी असल्याचं समोर आलं आहे.
मिळालेल्या माहितीनुसार, हैदराबाद पोलीस हे गांधी रुग्णालय आणि संतोष नगरमध्ये झालेल्या बलात्काराच्या प्रकरणाचा तपास करत होते. अत्यंत वेगाने या प्रकरणाचा तपास सुरू होता. पोलिसांनी वेगवेगळ्या टीम करून शोध सुरू केला होता. याच दरम्यान पोलिसांनी 500 सीसीटीव्ही कॅमेरे, 800 तासांचं फुटेज आणि 200 लोकांची चौकशी केली. मात्र यानंतर गांधी रुग्णालय आणि संतोष नगरमध्ये झालेल्या सामूहिक बलात्काराच्या दोन्ही घटना खोट्या असलेल्या समोर आलं आहे. पोलिसांच्या तपासामुळे आरोप करण्यात आलेली लोकं निर्दोष असल्याचं समोर आलं आहे. एका हिंदी वेबसाईटने याबाबतचे वृत्त दिले आहे.
विकृतीचा कळस! लग्नानंतर मंदिरात दर्शनासाठी गेलेल्या विवाहितेवर पुजाऱ्याचा बलात्कार; घटनेने खळबळ
राजस्थानच्या जयपूरमध्ये एक धक्कादायक घटना समोर आली आहे. लग्नानंतर मंदिरात दर्शनासाठी गेलेल्या विवाहितेवर पुजाऱ्याने बलात्कार केल्याची भयंकर घटना घडली आहे. या घटनेने परिसरात एकच खळबळ उडाली आहे. जयपूरमधील चंदवाजी पोलिसांनी याप्रकरणी मंदिरातील पुजाऱ्याला 15 तासांत अटक केली आहे. जयपूर ग्रामीणचे पोलीस अधीक्षक शंकर दत्त शर्मा दिलेल्या माहितीनुसार, 18 ऑगस्ट रोजी 23 वर्षीय विवाहितेने बलात्काराचा गुन्हा दाखल केला होता. यामध्ये दिलेल्या माहितीनुसार, गावातील मंदिराचे पुजारी गोपाळ उर्फ मुकेश जांगिड यांनी बलात्कार केला असं म्हटलं आहे.
सायंकाळी महिला आपले वडील आणि पतीसह भेरुची मंदिरात लग्नानंतर दर्शनासाठी गेली होती. येथे पुजाऱ्याने रात्री होम-हवन करण्याच्या बहाण्याने तिला थांबायला सांगितलं. यानंतर पुजाऱ्याने तिचे पती आणि वडिलांना चौकात काही कामासाठी पाठवलं. पुजाऱ्याने ती एकटी असल्याचा फायदा घेतला आणि साधारण पहाटे 3 वाजता नशेचं औषध देऊन तिच्यावर बलात्कार केला. सकाळी जाग आल्यानंतर पुजारी तिला नातेवाईकांसह आपल्या कारमधून तिच्या गावी सोडायला आला. तेथे पोहोचल्यानंतर पीडितेने आपल्यासोबत झालेला प्रकार सांगितला. कुटुंबीय जेव्हा पुजाऱ्याला पकडण्यासाठी गेले, तेव्हा पुजारी कार सोडून घटनास्थळावरून फरार झाला होता. पीडितेने यानंतर पोलिसांना याबाबत माहिती दिली.