मुंबई : छत्रपती शिवाजी महाराज टर्मिनस येथील हिमालय पूल दुर्घटनेप्रकरणी मुंबई महापालिकेचा सहाय्यक अभियंता एस.एफ. कलकुटे याला काल आझाद मैदान पोलिसांनीअटक केली. कलकुटेला आज न्यायालयात हजर केले असता ५ एप्रिलपर्यंत पोलीस कोठडी सुनावण्यात आली आहे.
१४ मार्च रोजी गर्दीच्यावेळी सीएसएमटी येथील हिमालय पूल कोसळून झालेल्या दुर्घटनेत सहा ठार व अनेक जण जखमी झाले होते. या घटनेनंतर रेल्वे व महापालिकेच्या बेजबाबदार कार्यपद्धतीबद्दल टीकेची झोड उठली होती. या प्रकरणी स्ट्रक्चरल ऑडिटर नीराजकुमार देसाईला याआधी बेड्या ठोकण्यात आल्या आहेत.