नवी दिल्ली - विमानतळावर तस्करी करताना पकडले जाऊ नये यासाठी वेगवेगळी शक्कल हमखास लढवली जाते. अशीच एक धक्कादायक घटना आता समोर आली आहे. दिल्लीतील (Delhi Airport) इंदिरा गांधी आंतरराष्ट्रीय विमानतळावर सीमा शुल्क अधिकाऱ्यांनी तब्बल साडे सात कोटी रुपयांचं हेरोइन जप्त (Heroin) केलं आहे. आरोपीने तस्करी करण्यासाठी ज्या पद्धतीचा उपयोग केला आहे, ते पाहून अधिकारी देखील हैराण झाले आहेत. मिळालेल्या माहितीनुसार, दिल्लीतील इंदिरा गांधी आंतरराष्ट्रीय विमानतळावर सीमा शुल्क अधिकाऱ्यांनी मोठी कारवाई केली आहे. साडे 7 कोटी रुपयांचं हेरोइन जप्त करण्यात आलं असून याचं वजन 18 किलोग्रॅम आहे.
धक्कादायक बाब म्हणजे हेरोइन बांगड्यांमध्ये भरण्यात आलं होतं. अधिकाऱ्यांनी दिलेल्या माहितीनुसार, गुरुवारी जप्त केलेले ड्रग्ज आफ्रिकेतून दिल्लीला एका पत्त्यावर पाठवले जात होते. गेल्या आठवड्यात दिल्ली एअरपोर्टवर सीमा शुल्क अधिकाऱ्यांनी दोन दक्षिण आफ्रिकी नागरिकांना पकडलं होतं आणि त्यांच्याकडून 126 कोटींची हेरोइन जप्त केली होती. याचं वजन 18 किलो इतकं होतं. या दोन्ही प्रकरणात आरोपींना पोलिसांनी ताब्यात घेतलं आहे. हे आरोपी 27 जून रोजी जोहन्सबर्गहून दोहा मार्गाने हेरोइन घेऊन येथे पोहोचले होते. आरोपींनी हेरोइन दोन बॅगेत लपवले होते.
तपासादरम्यान आरोपीच्या एका बॅगेतून 10 किलो तर दुसऱ्याच्या बॅगेतून 8 किलो हेरोइन जप्त करण्यात आलं. सीमा शुल्क विभागाने दिलेल्या माहितीनुसार, या दोघांना ग्रीन चॅनल पार करताना आणि आंतरराष्ट्रीय आगमन हॉलच्या एग्जिट गेटजवळ पोहोचल्यानंतर पकडण्यात आलं होतं. एका हिंदी वेबसाईटने याबाबतचे वृत्त दिले आहे. आपल्या पत्नीपासून दूर राहण्यासाठी एका पतीने अनोखी शक्कल लढवली. थेट खोटा 'कोरोना पॉझिटिव्ह रिपोर्ट' तयार केला. कोरोनाचा रिपोर्ट पत्नीला पाठवला आणि आपण कोविड सेंटरमध्ये भरती असल्याचं सांगितलं. मात्र त्याचं हे खोटं फार दिवस लपून राहिलं नाही. शेवटी पत्नीला सत्य समजलं आणि नवऱ्याची पोलखोल झाली.
बापरे! पत्नीपासून दूर राहण्यासाठी पतीने तयार केला खोटा 'कोरोना पॉझिटिव्ह रिपोर्ट' पण अशी झाली पोलखोल
मध्य प्रदेशच्या इंदूरमध्ये ही घटना घडली आहे. एका व्यक्तीने पत्नीपासून दूर राहण्यासाठी कोरोनाचा पॉझिटिव्ह असल्याचा खोटा रिपोर्ट तयार करून घेतला आणि पत्नीला आपण उपचारासाठी कोविड सेंटरमध्ये दाखल असल्याचं देखील सांगितलं. एक महिन्याहून जास्त दिवस झाले तरी पती घरी परत आला नाही. त्यामुळे पत्नीला त्याच्यावर संशय आला. तिने आपल्या वडिलांना या कोरोना रिपोर्टची सत्यता तपासून पाहायला सांगितली. सासऱ्याने जावयाचा रिपोर्ट ज्या लॅबमधून काढला गेला होता तिथे चौकशी केली. अधिक चौकशी केली असता हा रिपोर्ट खोटा असल्याचं समोर आलं.