- संदीप झिरवाळलोकमत न्यूज नेटवर्कनाशिक : केवळ एक मोठा आवाज... त्यानंतर किंकाळ्यांनी संपूर्ण बस हादरली... प्रारंभी, केवळ पुढील बाजूने पेटलेल्या बसने क्षणार्धात मागील बाजूनेही पेट घेतला...खिडकीतून उडी मारत अनेकांनी जीव वाचवला... आतमध्ये अडकून पडलेल्यांच्या किंकाळ्या... असे प्रारंभीच्या दहा मिनिटांतील दृश्य केवळ अंगाचा थरकाप उडविणारे होते. अशी भावना अपघातातून कसाबसा जीव वाचवत जखमी झालेल्या प्रवाशांनी व्यक्त केली.
अपघातानंतर बसमधील प्रवासी बाहेर येण्यासाठी जिवाच्या आकांताने आक्रोश करीत होते, तर काही प्रवासी खिडकीची काच फोडून बाहेर पडण्याचा प्रयत्न करीत होते. काही प्रवासी पेटलेल्या अवस्थेत बाहेर पडले, तर काही रस्त्यावरच जळालेल्या अवस्थेत तडफडत होते...आग विझविण्यासाठी जवळपास काहीच साधन नसल्याने हतबल होत पाहण्यापलीकडे काहीच करता आले नाही, ज्यांना जमेल तसे त्यांनी जीव वाचविले.
डोळ्यांदेखत मृत्युतांडवसकाळी ५ वाजून १० मिनिटांनी अपघाताचा मोठा आवाज झाला आणि मी व माझा मुलगा आम्ही आवाजाच्या दिशेने धावलो. तोवर आरामबसला मोठी आग लागल्याचे दिसले. काही प्रवासी खिडकीतून बाहेर पडण्याचा प्रयत्न करीत होते. त्यातील काही लोकांना आम्ही हात देऊन बाहेर काढले. प्रवासी डोळ्यांदेखत जळत होते, असे प्रत्यक्षदर्शी रामराव सूर्यवंशी यांनी सांगितले.
अधिकाऱ्याचीच भागीदारीयवतमाळात प्रतिनियुक्तीवर आलेल्या वाहन निरीक्षकांच्याच दोन ट्रॅव्हल्स आहेत. हा वाहन निरीक्षक पूर्णवेळ ट्रॅव्हल्स पॉइंटवर बसतो. या अधिकाऱ्याला जिल्हाधिकारी अमोल येडगे यांनी काही महिन्यांपूर्वी जाबही विचारला होता. मात्र, खात्यातील वरिष्ठांची मेहरबानी असल्याने हा अधिकारी येथेच ठाण मांडून आहे.
मी दिग्रसवरून बसल्यापासून वरच्या बर्थवर झोपून होतो. आमच्या बसची धडक बसल्याने मी थेट वरून खाली कोसळलो. त्यामुळे मला जागेवरून उठतादेखील येईना; पण जीव वाचविण्यासाठी बसच्या मधल्या भागातून काचा फोडून कशीबशी बाहेर उडी मारली. माझी बॅग, मोबाईल सगळे जळाले.- हंसराज बागूल, रा. कसारा (कनिष्ठ अभियंता, पाटबंधारे विभाग)
ट्रॅव्हल्स एजंटला प्रवाशांची माहिती नाहीमाझ्याकडून बुकिंग झालेले नसल्यामुळे बिबी येथून चिंतामणी ट्रॅव्हल्समध्ये काेणते प्रवासी हाेते, याची माहिती बीबी येथील ट्रॅव्हल्स एजंट बापू देशमुख यांना नसल्याची माहिती समाेर आली. रात्री जोरदार पाऊस असल्याने नेमके बसद्वारे कोण गेले, हे सांगता येत नसल्याचे ते म्हणाले.
खिडकीतून बायकोला फेकून घेतली उडी!यवतमाळ : सगळीकडे आगच आग...प्रत्येकजण आकांत करीत होता...समोर साक्षात यमराज दिसत होता... काही सुचत नव्हते...ट्रॅव्हल्सची खिडकी फोडली...आधी बायकोला बाहेर फेकले, मग मीही उडी मारली म्हणून वाचलो... अपघातातून कसाबसा बचावलेला सचिन थरारक अनुभव ‘लोकमत’ला सांगितला. महागाव तालुक्यातील पिंपळगाव सूतगिरणी येथील हा तरुण चर्चगेट परिसरातील कन्स्ट्रक्शन कंपनीत सुपरवायझर म्हणून काम करतो.
उडी मारल्याने बचावला मुंबईला नोकरी मिळाल्याने रुजू होण्यासाठी निघालेला विशाल पतंगे सकाळी साखर झोपेत असताना, अपघातानंतर झालेल्या मोठ्या आवाजाने जागा झाला. त्यामुळे त्याने घाबरतच परिस्थितीचा अंदाज घेत, बसच्या खिडकीतून बाहेर उडी मारत स्वत:चा जीव वाचविला. नाशिकच्या सिल्व्हर हॉस्पिटलमध्ये उपचार सुरू आहेत.
बसच्या बाहेर उचलून फेकल्याने वाचलाेnअकोला : काेणीतरी आम्हाला उचलून बाहेर फेकले. त्यामुळे प्राण वाचले, असे जखमी मावशीने सांगितले, अशी माहिती शे. खलील शे. इस्माईल यांनी दिली.nजे. जे. रुग्णालयात उपचारासाठी भरती असलेल्या बहिणीला बघायला माझे वडील इस्माईल व मावशी जैतूनबी मुंबईला अपघातग्रस्त बसमधून निघाले हाेते. अपघातात वडिलांच्या दाेन्ही पायांना फ्रॅक्चर झाले आहे.
लाेणार तालुक्यातील आजी, नातीचा मृत्यूदत्ता उमाळे । लोकमत न्यूज नेटवर्कबुलडाणा/ मेहकर : नाशिक येथे झालेल्या भीषण अपघातात बुलडाणा जिल्ह्यातील लोणार तालुक्यातील बिबी येथील आजी व नातीचा मृत्यू झाला आहे. लक्ष्मीबाई नागुराव मुधोळकर (वय ५०) आणि कल्याणी आकाश मुधोळकर (३) अशी मृतांची नावे आहेत. लोणार तालुक्यातील बिबी येथून ७ ऑक्टोबरला रात्री त्या बसमधून लक्ष्मीबाई नागुराव मुधोळकर, कल्याणी आकाश मुधाेळकर, मुलीची मुलगी पायल शिंदे (७) आणि कल्याणीचा पाच वर्षीय भाऊ चेतन मुधोळकर हे चौघे जण प्रवास करत होते. यातील चेतन आणि पायल हे या अपघातात जखमी असून, त्यांच्यावर नाशिक येथे उपचार सुरू आहेत.
आरटीओला जाग, ट्रॅव्हल्सची तपासणी यवतमाळ : जिल्ह्यातून पुणे, मुंबई, हैदराबाद या महानगरात जाण्यासाठी एसटी बसशिवाय खासगी ट्रॅव्हल्स हाच एकमेव पर्याय आहे. ट्रॅव्हल्सच्या एकूणच सुरक्षेकडे परिवहन विभागाचे दुर्लक्ष झाले आहे. मात्र अपघातानंतर वाहन निरीक्षकांचे पथक ट्रॅव्हल्स पॉइंटची तपासणी करीत होते.