आधी हातपाय बांधले, मग तोंडात रुमाल कोंबला; कोरोना लस देण्याचे आमिष दाखवून तरुणीवर गँगरेप

Gangrape Case :   मालसलामी  पोलिसांनी भादंवि कलम 376 डी अंतर्गत अटक केली आहे.

ठळक मुद्देरॉकी आणि माँटू यांनी पीडितेला मंगळवारी संध्याकाळी आरोग्य केंद्रात कोरोना लस  देण्याची बतावणी केली होती. 

पाटणा - बिहारमधील पाटण्यामधून एक आश्चर्यकारक प्रकरण समोर आले आहे. खरं तर, येथे कोविड व्हॅक्सीन देण्याच्या आमिषाने दोन जणांनी मुलीवर सामूहिक बलात्कार केला. यानंतर परिसरात खळबळ उडाली आहे. रॉकी व मंटू असे आरोपींची नावे असल्याचे पोलिस अधिकाऱ्याने सांगितले. त्याला  मालसलामी  पोलिसांनी भादंवि कलम 376 डी अंतर्गत अटक केली आहे. रॉकी आणि माँटू यांनी पीडितेला मंगळवारी संध्याकाळी आरोग्य केंद्रात कोरोना लस  देण्याची बतावणी केली होती. त्या रात्री काय झाले?अधिकाऱ्याने सांगितले की, आरोपींनी पीडित मुलीला जमुनापूर भागातील निर्जन घरात नेले आणि तेथे तिच्यावर सामूहिक बलात्कार केला. जेव्हा पीडितेने विरोध केला आणि तेथून पळून जाण्याचा प्रयत्न केला तेव्हा नराधमांनी तिचे हात पाय बांधले आणि तोंडात रुमालही कोंबला. यानंतर या दोघांनीही पीडितेवर बलात्कार केला. ही घटना घडवून आणल्यानंतर आरोपी घटनास्थळावरून फरार झाले.पीडितेने शोकांतिका सांगितलीपोलिस अधिकाऱ्याने सांगितले की, पीडित महिला आरोपींच्या तावडीतून बाहेर पडली आणि ती तिच्या घरी पोहोचली. तेथे तिने आपल्या कुटुंबीयांना या शोकांतिकेबद्दल सांगितले, त्यानंतर पोलिसांना या प्रकरणाची माहिती देण्यात आली. आरोपी जमुनापुरात राहतात. पोलिसांनी आरोपींच्या ठिकाणी छापा टाकून त्यांना अटक केली. अधिकाऱ्याने पुढे सांगितले की, पीडितेची वैद्यकीय तपासणी करण्यात आली आहे. आम्ही पीडितेच्या वयाची माहिती घेत आहोत. जर तिचे वय 18 वर्षांखालील असेल तर आम्ही आरोपीवर पॉक्सो कायदा देखील लागू करू.