सदानंद नाईक
उल्हासनगर : विकास दुबे यांचे बुधवारी रात्री ८ वाजता प्रवीण इंटरनॅशनल हितेलमध्ये लग्न असल्याने ते सहकुटुंब घर बंद करून गेले होते. चोरट्यानी मध्यरात्री बंद घरात प्रवेश करून कपाटातील रोख २ लाख ५० हजारासह सोन्याची दागिने, लॅपटॉप असे ३ लाख ६३ हजाराचा ऐवज लंपास केले. याप्रकरणी विठ्ठलवाडी पोलीस ठाण्यात गुन्हा दाखल केला.
उल्हासनगर कॅम्प नं-४ रघुनाथनगरमध्ये राहणारे विकास दुबे कुटुंबासह राहतात. त्यांचे २८ एप्रिलच्या बुधवारी रात्री ८ वाजता प्रवीण इंटरनॅशनल हॉटेल येथे लग्न असल्याने, कुटुंबासह घरबंद करून हॉटेलमध्ये लग्नासाठी गेले. लग्न लागल्यानंतर मध्यरात्री ३ वाजता नवरीला घेऊन बिकास दुबे घरी आले. तेंव्हा घराचे दार आतून बंद असल्याने, त्यांना धक्का बसला. अधिक चौकशी केली असता, खिडकीतून चोरांनी घरात प्रवेश केल्याचे उघड झाले. घरातील लोखंडी कपाटातून रोख अड्डीच लाख रुपये, सोन्याचे विविध दागिने, लॅपटॉप असे एकून ३ लाख ६३ हजाराचा ऐवज चोरट्यानी लंपास केला. विठ्ठलवाडी पोलीस ठाण्यात तक्रार दाखल केल्यावर पोलिसांनी अज्ञात चोरट्यावर गुन्हा दाखल केला.