पिंपरी : सोशल मीडियावरून एस्कॉर्ट सर्व्हिसेसच्या नावाखाली हिंजवडी येथे वेश्याव्यवसाय सुरू असल्याचे समोर आले आहे. या हायप्रोफाईल सेक्स रॅकेटचा पिंपरी-चिंचवड पोलिसांच्या गुन्हे शाख युनिट चारच्या पथकाने पर्दाफाश केला आहे. चार तरुणींची सुटका करून चौघांविरुद्ध गुन्हा दाखल करून पोलिसांनी एकाला अटक केली आहे.
गणेश कैलास पवार (वय २०, सध्या रा. येळवंडे वस्ती, हिंजवडी, मुळगाव सताळ पिंपरी, ता. फुलंब्री, जि. औरंगाबाद) असे अटक केलेल्या आरोपीचे नाव आहे. त्याच्यासह समीर ऊर्फ राज ऊर्फ तय्यब सय्यद, युसुफ सरदार शेख तसचे हिरा (पूर्ण नाव व पत्ता माहीत नाही) यांच्या विरोधात हिंजवडी पोलीस ठाण्यात गुन्हा दाखल केला आहे.
युनिट चारचे वरिष्ठ पोलीस निरीक्षक मोहन शिंदे यांनी दिलेल्या माहितीनुसार, पोलीस आयुक्त कृष्ण प्रकाश यांच्या आदेशान्वये अवैध धंद्यांच्या समुळ उच्चाटनासाठी झिरो टॉलरन्स मोहीम अंतर्गत धडक कारवाईचे सत्र सुरू करण्यात आले आहे.
हिंजवडी फेज एकमधील लक्ष्मी चौकालगतच्या येळवडे वस्ती येथील हॉटेल ग्रॅन्ड मन्नत येथे काही तरुणींकडून जबरदस्तीने वेश्या व्यवसाय करवून घेतला जात आहे, अशी माहिती मिळाली. त्या अनुषंगाने एका बनावट ग्राहकास पाठवून खात्री केल्यावर पोलिसांनी हॉटेलवर छापा टाकला. तेथे चार तरुणींना डांबून ठेवले असल्याचे निदर्शनास आले. अटक केलेला आरोपी गणेश पवार हा या हॉटेलचा मॅनेजर असून तो व इतर आरोपी हे गेल्या सात ते आठ दिवसांपासून या लॉजमध्ये या तरुणींकडून जबरदस्तीने देहविक्रीचा व्यवसाय करून घेत होते. पोलिसांनी या तरुणींची सुटका केली. त्यांच्या सुरक्षिततेसाठी त्यांना रेस्क्यु फौंडेशन, संरक्षण गृह, मोहम्मदवाडी, पुणे येथे रवाना करण्यात आले.
युनिट चारचे वरिष्ठ पोलीस निरीक्षक मोहन शिंदे, सहायक पोलीस निरीक्षक अंबरिष देशमुख, पोलीस कर्मचारी प्रवीण दळे, नारायण जाधव, संजय गवारे, धर्मराज आवटे, दादाभाऊ पवार, अदिनाथ मिसाळ, संतोष असवले, तुषार शेटे, लक्ष्मण आढारी, मो. गौस नदाफ, वासुदेव मुंडे, शावरसिध्द पांढरे, प्रशांत सैद, सुनील गुट्टे, तुषार काळे, सुरेश जायभाये, अजिनाथ ओंबासे, धनाजी शिंदे, सुखदेव गावंडे, गोंविद चव्हाण यांच्या पथकाने ही कामगि