राजस्थानच्या (Rajasthan) भरतपूरमधून अनैतिक संबंधातून झालेल्या एका हत्येची (Murder) घटना समोर आली आहे. इथे एका मोठ्या भावाने आपल्या लहान भावाची हत्या केली. असं सांगितलं जात आहे की, जेव्हा आरोपी मोठ्या भावाला हे समजलं की, त्याच्या लहान भावाने त्याच्या पत्नीसोबत संबंध आहे तर त्याने मित्रांसोबत मिळून हत्येचा प्लान केला.
आरोपीने आपल्या लहान भावाला जंगलात नेऊन चाकू आणि काठ्यांनी मारून त्याचा जीव घेतला. जेव्हा मृत भावाला दफन केलं जात होतं तेव्हा आरोपीने मी त्याची हत्या केली असं सर्वांसमोर सांगितलं. त्यानंतर या प्रकरणाची माहिती पोलिसांना देण्यात आली. चौकशीनंतर पोलिसांनी हत्येत सहभागी आरोपींना अटक केली आहे. सोबतच आरोपींच्या माहितीनुसार, हत्येत वापरलेला चाकू आणि काठ्या ताब्यात घेण्यात आल्या.
मोठ्या भावाकडून लहान भावाची हत्या
मीडिया रिपोर्टनुसार, आरोपी वसीम आणि त्याचा मृत भाऊ नसीमसहीत तीन भावांचं लग्न अलवर जिल्ह्यातील मूसेपूर गावातील तीन बहिणींसोबत झालं होतं. पण मृत नसीमचं त्याच्या मोठ्या वहिनीसोबत अनैतिक संबंध होते. ज्यातून ही हत्या झाली. तिन्ही भाऊ ट्रक चालवून परिवार चालवत होते.
पोलिसांनी आरोपींना केली अटक
पोलीस अधिक्षक देवेंद्र कुमार विश्नोई म्हणाले की, नसीम नावाच्या व्यक्तीचा मृतदेह जंगलात पडलेला असल्याची माहिती मिळाली होती. त्यानंतर मृत व्यक्तीच्या परिवाराने तक्रार दाखल केली की, मृत व्यक्तीच्या मोठ्या भावाने आपला मित्र राशिदसोबत मिळून लहान भाऊ नसीमची हत्या केली. चौकशीतून समोर आलं की, मृत व्यक्तीचे त्याच्या वहिनीसोबत अनैतिक संबंध होते. ज्यामुळे मोठ्या भावाने लहान भावाची हत्या केली. पोलिसांनी हत्येप्रकरणी दोन आरोपींना अटक केली आहे.