लोकमत न्यूज नेटवर्कमुंबई : मित्राच्या तीन वर्षीय मुलीवर लैंगिक अत्याचार करण्याचा प्रकार सांताक्रुझ परिसरात घडला. याप्रकरणी वाकोला पोलिसांनी ३८ वर्षीय व्यक्तीवर पोक्सोअंतर्गत गुन्हा दाखल करत त्याला अटक केली आहे.
गेल्या आठवड्यात शुक्रवारी हा प्रकार घडला. आरोपी हा पीडितेच्या शेजारच्या घरात राहत असून तिच्या वडिलांचा मित्र आहे. आरोपीच्या मुलासोबत पीडित मुलगी खेळायला यायची. शुक्रवारीही ती खेळत असताना आरोपीने तिच्यासोबत लैंगिक अत्याचार केला. मुख्य म्हणजे त्यावेळी त्याची मुलगीही तिथे हजर होती. गुप्तांगात दुखू लागल्याने मुलीने घरच्यांना सांगितले. त्यानुसार तिला त्यांनी डॉक्टरकडे नेले, मात्र हा प्रकार कोणी केला अशी विचारणा केली. तेव्हा तिने आरोपीचे नाव सांगितले.
त्यानुसार याबाबत वाकोला पोलिसांना तिने कळविले आणि आरोपीला अटक करण्यात आली. त्याला न्यायालयात हजर केले असता २६ सप्टेंबर,२०२० पर्यंत पोलीस कोठडी सुनावण्यात आली.