नवी दिल्ली - २२ जून २०२५ रोजी संध्याकाळचे ६ वाजले होते, दिल्लीच्या नजीक गाजियाबाद येथे पोलिसांची नियमित तपासणी सुरू होती. त्यावेळी रस्त्यावर धावणाऱ्या वाहनांमधून एक ट्रक हायवेच्या दिशेने येताना दिसतो. हा ट्रक सामानाने भरला होता. पोलिसांना काही संशयास्पद वाटते त्यामुळे ट्रकला हात दाखवून रस्त्याशेजारी थांबवला जातो. वाहनचालकाची चौकशी केली जाते. त्यावेळी ट्रकमध्ये भंगार असल्याचे सांगत ते हरियाणाला घेऊन जात असल्याचे पोलिसांना चालक सांगतो.
पोलिस ट्रकचालकाकडे कागदपत्रे मागते, ज्यावर तो ई वे बिल दाखवतो. वरून वरून ट्रकमध्ये भंगाराचे सामान दिसत होते. त्याची कागदपत्रेही चालकाकडे होती. परंतु घटनास्थळी उपस्थित पोलिस अधिकाऱ्यांनी काही शंका वाटत होती. त्यामुळे अधिकाऱ्यांकडून इशारा मिळताच काही पोलीस कर्मचारी ट्रकमध्ये चढले आणि त्यांनी भंगाराचे सामान हटवून पाहिले तेव्हा जे समोर दिसले ते पाहून अधिकारी, कर्मचाऱ्यांचे डोळे अवाक् झाले.
या ट्रकमध्ये भंगार केवळ नावापुरते होते, पोलिसांनी जेव्हा ते बाजूला हटवले तेव्हा त्याखाली विशेष प्रजातीचे लाकूड सापडले. या लाकडावर गुलाबी रंगही मारला होता. पोलिसांनी तातडीने ट्रकचालकाला ताब्यात घेत चौकशी सुरू केली. त्या चौकशीत ही लाकडे सागवानाची होती, ज्याची जवळपास १ कोटी किंमत होती. या लाकडाचे वजन १४ टन होते. ज्याला साधारण २० क्विंटल भंगार आणि रद्दीच्या खाली घेऊन जात होते. बर्मा सागवानाची ही खेप दोन देशांच्या सीमापार करून भारतात आणली होती.
या लाकडाला आधी म्यानमारमधून नेपाळला आणले गेले. त्यानंतर नेपाळमार्गे भारताच्या मणिपूरला नेले जात होते. त्यानंतर मणिपूरच्या इंफाल येथून हरियाणात नेले जात होते, जिथे तैय्यब आणि साकिर नावाच्या व्यक्तीला हे सोपवले जाणार होते. या घटनेत पकडलेला ट्रकचालक शहजाद शामली जिल्ह्यातील झिंझाना परिसरात राहणारा आहे. तर ट्रक क्लिनर शोएब छपरौली जिल्ह्यात राहतो. हे दोघेही लाकडाची खेप हरिणायाच्या तावडू येथे पोहचवणार होते, ज्या बदल्यात या दोघांनी मोठी रक्कम दिली जाणार होती असं पोलिसांनी सांगितले.
बर्मा सागवान लाकडाचं वैशिष्टे काय?
बाजारात चंदनासारखीच बर्मा सागवान लाकूड महाग असते. मुख्य म्हणजे हे लाकूड म्यानमार येथे सापडते. हे लाकूड उत्तम दर्जासाठी ओळखले जाते. यापासून सुंदर इनडोर फर्निचरपासून टिकाऊ आऊटडोर फर्निचर बनवले जातात. त्याची नैसर्गिक सुंदरता, मजबूती, प्रत्येक ऋतुमध्ये सुरक्षित राहण्याची क्षमता यामुळे बाजारात या लाकडाला मोठी मागणी आहे. मोदीनगर भागात पोलिसांनी १४ टन बर्मा सागवान लाकूड जप्त केले परंतु बाजारात त्याची किंमत कोट्यवधीच्या घरात आहे.