VIDEO: भररस्त्यात पँट काढून तरुणाला बेल्टनं मारहाण; पैसे, मोबाईल घेऊन भामटे फरार

संपूर्ण घटना सीसीटीव्हीत कैद; पोलिसांकडून तिघांना अटक

नवी दिल्ली: राजधानी दिल्लीत गुन्हेगारीत वाढ झाली आहे. पश्चिम दिल्लीतील रघुबीर नगर परिसरात लुटमारीची घटना घडली आहे. हा संपूर्ण प्रकार सीसीटीव्हीत कैद झाला आहे. स्कूटीवरून आलेल्या भामट्यांनी एका तरुणाची पँट काढून त्याची झडती घेतली. त्यानंतर भामट्यांनी तरुणाला मारहाण केली. पीडित तरुणानं या प्रकरणी पोलीस ठाण्यात तक्रार दाखल केली. त्यानंतर पोलिसांनी आरोपींना अटक केली.

स्कूटीवरून जात असलेल्या भामट्यांनी आधी एका वाटसरूला मारहाण केली. त्यानंतर त्याची झडती सुरू केली. भामट्यांनी तरुणाची पँट काढली. त्यामध्ये असलेला पैसे आणि मोबाईल भामट्यांनी ताब्यात घेतला. त्यानंतर पीडित तरुणाला आरोपींनी त्याच्याच बेल्टनं मारहाण केली.

दिल्ली में लुटेरों का आतंक,रघुवीर नगर में एक शख्स की लूट के दौरान पेंट तक उतार ली,उसका पर्स ज़मोबाइल और वैसे लूटने के बाद उसे बेल्ट पीटा, इस मामले में पुलिस ने 3 आरोपी गिरफ्तार कर लिए हैं pic.twitter.com/BoAjHxo2S5

— Mukesh singh sengar मुकेश सिंह सेंगर (@mukeshmukeshs) July 11, 2021

पेशानं चालक असलेल्या पीडित तरुणानं रघुवीर नगर पोलीस ठाण्यात तीन आरोपींविरोधात तक्रार दाखल केली. आरोपींनी पँट काढून मारहाण केल्याचं आणि लूटमार केल्याचं त्यानं पोलिसांना सांगितलं. यानंतर पोलिसांनी लखविंदर, दीपक आणि आकाशला अटक केली. लूटमार केलेलं सामान त्यांच्याकडून जप्त करण्यात आलं आहे.