अंधविश्वासातून निर्माण झालेल्या नाराजीमुळे एका आनंदी परिवाराला कसं उद्ध्वस्त केलं याचं उदाहरण सांगणारी एक घटना समोर आली आहे. एका हाय प्रोफाइल परिवार कशाप्रकारे अंधविश्वासाचा शिकार झाला हे यातून दिसून येतं. दिल्ली घडलेल्या या घटनेमुळे देशातील जनता विचारात पडली आहे.
सासू, मेहुणी अन् पत्नीची हत्या
दिल्लीच्या इंद्रपुरी परीसरातील एका जावयाने आपल्या सासरच्या लोकांना माशातून थेलिअम नावाचं स्लो पॉयजन दिलं. ज्यामुळे त्याच्या सासूचा आणि मेहुणीचा दुर्दैवी मृत्यू झाला. तर त्याची पत्नी २६ दिवसांपासून कोमात आहे. आश्चर्याची बाब म्हणजे दिल्लीत राहणाऱ्या या जावयाने या प्लॅनची प्रेरणा इराकचा हुकूमशहा सद्दाम हुसैनकडून घेतली. या कृत्याचं कारण वाचून तर तुम्ही आणखी हैराण व्हाल. पुर्जजन्माचा अंधविश्वास या कृत्याचं कारण आहे. आरोपी सध्या पोलिसांच्या ताब्यात आहे. अशात हॉस्पिटलमध्ये जीवनाशी लढत असलेल्या त्याच्या पत्नीचा जीव वाचेल की नाही याकडे सर्वांच लक्ष लागलं आहे. (हे पण वाचा : धक्कादायक! गर्लफ्रेन्डने घरी बोलवून बॉयफ्रेन्डवर केला Acid Attack, उपचारादरम्यान मृत्यू....)
गुगलवरून काढली होती माहिती
आरोपी वरूणने गुगलवर , 'How To Kill Person With Slow Poison असं सर्च केलं होतं. त्यानंतर त्याने थेलिअम नावाचं स्लो पॉयजनबाबत वाचलं. सद्दाम हुसैन आपल्या विरोधकांना मारण्यासाठी थेलिअमचा वापर करत होता. वरूणने पोलिसांना सांगितले की, त्याने हे विष २२ हजार रूपयाला खरेदी केलं होतं.
काय झालं त्या दिवशी?
आरोपी वरूण अरोराने ३१ जानेवारीला सासरच्या सर्वांना हे विष दिलं होतं. हे त्याने माशात मिक्स करून दिलं होतं. हे विष सासरच्या लोकांच्या शरीरात गेल्याने त्यांची तब्येत बिघडली होती. सर्वांचे केस गळू लागले होते आणि शरीर सुन्न पडू लागलं होत. त्यांची विचार करण्याची क्षमता गेली होती. (हे पण वाचा : गुंगीचे औषध घातलेले ज्यूस पाजून डॉक्टर महिलेवर बलात्कार; व्हिडीओ व्हायरल करण्याची धमकी)
वरूण डोक्यात सासरच्या लोकांना संपवण्याचं खूळ इतकं भरलं होतं की, त्याने सासू-सासरे आणि पत्नीला मासे खाऊ घातल्यानंतर आपल्या मेहुणीची बराच वेळ वाट बघितली. नंतर आपल्या डोळ्यासमोर त्याने तिला विष असलेले मासे खाऊ घातले नंतरच तो घरातून बाहेर पडला.
सासू आणि मेहुणीचा मृत्यू
थेलिअम नावाचं स्लो पॉयजन खाल्ल्याने वरूणची पत्नी दिव्या कोमात गेली. तर विषामुळे १५ दिवसांनी दिव्याची लहान बहीण प्रियांकाचा १५ फेब्रुवारीला मृत्यू झाला आणि त्यानंतर २१ मार्चला वरूणची सासू अनिता शर्मा यांचं निधन झालं.
सासरच्या लोकांवर का होता नाराज?
प्रश्न हा आहे की, वरूणने पत्नीसहीत सासरच्या लोकांनी विष देऊन मारण्याचा प्लॅन का केला? यामागे वरूण आणि त्याच्या परिवाराची अंधविश्वासाची कहाणी आहे. वरूण आणि दिव्याला IVF च्या माध्यमातून २ अपत्ये होती. यानंतर दिव्या नैसर्गिक पद्धतीने गर्भवती झाली. पण डॉक्टर म्हणाले की, तिने जर बाळाला जन्म दिला तर तिच्या जीवाला धोखा आहे.
मात्र, वरूणच्या परिवाराला बाळ हवं होतं. कारण त्यांचा अंधविश्वास होता की, या बाळाच्या माध्यमातून वरूणचे वडील पुनर्जन्म घेणार आहे. पण तिसऱ्या बाळाला जन्म दिल्याने जीवाला असणारा धोका बघता दिव्याने अबॉर्शन केलं. याचाच राग मनात घेऊन वरूणने सासरच्या सर्व लोकांची हत्या करण्याचा निर्णय घेतला.
दरम्यान, वरूण अरोराकडे कशाचीही कमी नव्हती. त्याला केवळ भाड्याचे महिन्याला ४ लाख रूपयांपेक्षा जास्त मिळत होते. पण अंधविश्वासामुळे त्याचा रागाचा पारा चढला. त्याच्या या रागाने परिवार उद्ध्वस्त झाला. त्याचं सासर संपलं आणि दोन चिमुकल्यांची जीवन बेवारस केलं.