पाकिस्तानसाठी हेरगिरी केल्याच्या आरोपाखाली अटक करण्यात आलेल्या सीआरपीएफचा सब इन्स्पेक्टर मोती राम जाटबद्दल अनेक धक्कादायक खुलासे झाले आहेत. मोती रामला आता एनआयएने ताब्यात घेतलं आहे. मोती रामवर पाकिस्तानी गुप्तचर अधिकाऱ्यांना गोपनीय माहिती देण्याचा आरोप आहे. जम्मू आणि काश्मीरमधील पहलगाम येथे झालेल्या दहशतवादी हल्ल्यापूर्वी मोती राम तेथे तैनात होता. तो गेल्या दोन वर्षांपासून हे हेरगिरीचे काम करत होता. ज्या महिला पाकिस्तानी एजंटने पहिल्यांदा त्याच्याशी संपर्क साधला तिने स्वतःची ओळख एका मोठ्या टीव्ही चॅनेलची पत्रकार म्हणून करून दिली होती. ती मोती रामला दरमहा ३५०० रुपये देत असे. विशेष माहितीसाठी ती १२००० रुपये द्यायची.
एका महिलेने मोती रामशी संपर्क साधला तेव्हापासून हे प्रकरण सुरू झालं. महिलेने चंदीगडची पत्रकार असल्याचं सांगितलं. तिने मोती रामकडून काही माहिती मागितली. मेसेज आणि व्हिडीओ कॉलनंतर मोती रामने तिच्यावर विश्वास ठेवला. त्याने गोपनीय कागदपत्रे शेअर करण्यास सुरुवात केली. काही महिन्यांनंतर, एक माणूस त्याच्याशी बोलू लागला. तो पाकिस्तानी गुप्तचर अधिकारी होता. त्याने स्वतःची ओळख त्याच वृत्तवाहिनीचा पत्रकार म्हणूनही करून दिली. मोती रामनेही त्याच्यावर विश्वास ठेवला.
देशाशी गद्दारी करणाऱ्याला ठाण्यातून अटक; पाकिस्तानी महिलेच्या संपर्कात, ATS ची मोठी कारवाई
मोती रामच्या फोनमधून उघड झालं रहस्य
केंद्रीय गुप्तचर संस्था आणि सीआरपीएफने मोती रामच्या फोनचा तपास केला. त्याच्या फोनमध्ये या सर्व चॅट्स सापडल्या. मोती रामने कोणताही मेसेज डिलीट केला नाही. त्याने अनेक गोपनीय कागदपत्रे शेअर केली. यामध्ये सुरक्षा दलांच्या तैनातीची माहिती होती. जवानांच्या हालचालींची माहिती होती. गुप्तचर संस्थांच्या मल्टी-एजन्सी सेंटर (एमएसी) कडून एक रिपोर्ट होता. दहशतवाद्यांच्या संभाव्य ठिकाणाची माहिती देखील होती. अनेक वेळा मोती रामने वर्तमानपत्रातील कटिंग्ज पाठवल्या. पण पाकिस्तानी एजंटनी त्याला सार्वजनिक माहिती देऊ नकोस असं सांगितलं.
"पप्पा, तुम्ही खंबीर राहा, मी बेकायदेशीर काम केलेलं नाही"; जेलमध्ये काय म्हणाली ज्योती मल्होत्रा?
दर महिन्याच्या ३५०० रुपये
पाकिस्तानी एजंट दर महिन्याच्या चार तारखेला ३५०० रुपये देत असत. हे पैसे मोती राम आणि त्याच्या पत्नीच्या बँक खात्यात येत असत. विशेष माहितीसाठी १२००० रुपये अतिरिक्त दिले जात होते. २२ एप्रिल रोजी पहलगाममध्ये दहशतवादी हल्ला झाला. त्याच्या पाच दिवस आधीच मोती रामला दिल्लीला पाठवण्यात आलं. त्याने गृहमंत्री अमित शाह यांच्या जम्मू आणि काश्मीर दौऱ्याची माहिती शेअर केली. ही माहिती वृत्तवाहिन्यांवर होती. पण मोती रामने ती वेगळ्यापद्धतीने सांगितली. सुरक्षेच्या कारणास्तव ५० पर्यटन स्थळं बंद करण्यात आली आहेत असंही त्याने सांगितलं.
पाकिस्तानात फिरताना ज्योतीच्या आजुबाजुला AK-47 घेऊन ६ गनर्स, Video ने उलगडलं रहस्य
२०२३ पासून करत होता हेरगिरी
एनआयएने मोती रामला दिल्लीतून अटक केली. एनआयएने दिलेल्या माहितीनुसार, तो २०२३ पासून हेरगिरी करत होता. त्याने राष्ट्रीय सुरक्षेशी संबंधित गोपनीय माहिती दिली. पाकिस्तानी एजंटने त्याच्या खात्यात पैसे जमा केले. हे पैसे अनेक मार्गांनी पाठवले जात होते. अटकेपूर्वी गुप्तचर संस्था आणि सीआरपीएफने त्याची चौकशी केली. मोती रामला पटियाला हाऊस कोर्टाच्या विशेष न्यायालयात हजर करण्यात आले. न्यायालयाने त्याला ६ जूनपर्यंत एनआयए कोठडी सुनावली आहे.