लखनौ - उत्तर प्रदेशमधील कौशांबी जिल्ह्यात एक धक्कादायक घटना घडली आहे. येथे एका नववधूने असे काही कृत्य केले की ज्यामुळे ऐकणाऱ्या प्रत्येकाला धक्का बसत आहे. या वधूने सुरुवातील पतीसोबत मधुचंद्र साजरा करण्यास टाळाटाळ केली. त्यानंतर जेव्हा पतीने पत्नीसोबत शारीरिक संबंध प्रस्थापित करण्याचा प्रयत्न केला तेव्हा या महिलेने पतीच्या प्रायव्हेट पार्टचा चावा घेतला. त्यामुळे पती वेदनांनी कळवळत बेडवर पडला. तर ही नवविवाहिता रोख रक्कम आणि दागिने घेऊन फरार झाली. दरम्यान, या तरुणीने चोरीच्या उद्देशानेच विवाह केला आणि सारे लुटून फरार झाली, असा अंदाज पोलिसांनी वर्तवला आहे.
याबाबत मिळालेल्या माहितीनुसार पतीसोबत ही धक्कादायक घटना कोशांबी जिल्ह्यातील कोखराज क्षेत्रातील एका गावात घडली. येथे एका महिलेने लग्नानंतर शरीर संबंध प्रस्थापित करण्यास विरोध करताना पतीच्या प्रायव्हेट पार्टचा चावा घेतला. पीडित तरुणाने सांगितले की, त्याचा विवाह २७ जानेवारी रोजी झाला. लग्नानंतर सासरी आलेल्या पत्नीने मला शरीरसंबंध प्रस्थापित करू दिले नाहीत. ती कुठलेही कारण सांगून शरीरसंबंधांना नकार देत होती.
अखेरीस २२ फेब्रुवारी रोजी शरीरसंबंध ठेवण्याचा प्रयत्न केला असता, तिने भयानक कृत्य केले. तिने शरीरसंबंध प्रस्थापित करण्याच्या प्रयत्नांदरम्यान माझ्या प्रायव्हेट पार्टचा चावा घेतला. त्यानंतर ती सुमारे ६५ हजार रुपयांची रोकड आणि दागिने घेऊन फरार झाली. पत्नीने प्रायव्हेट पार्टचा चावा घेतल्याने रागावून सदर तरुण दुसऱ्या खोलीमध्ये गेला. त्याचा फायदा उठवून या तरुणीने दागदागिने आणि रोख रक्कम घेऊन फरार झाली. आता पोलिसांच्या म्हणण्यानुसार सदर तरुणीने चोरीच्या उद्देशानेच विवाह केला होता. आता तिचा हेतू साध्य झाल्यावर ती दागिने आणि पैसे घेऊन पसार झाली.