फिरोजाबाद - फेसबुकचं व्यसन अनेकांच्या जीवनामध्ये मोठ्या प्रमाणावर उलथापालथ घडवून आणत आहे. असाच एक धक्कादायक प्रकार फिरोझाबादमधून समोर आला आहे. फेसबुकचं व्यसन आणि फॉलोअर्स वाढवण्यासाठीच्या हट्टाने एका तरुणाने अत्यंत धक्कादायक पाऊल उचललं आहे. त्याने पत्नीचे आंघोळ करतानाचे फोटो फेसबुकवर अपलोड केले. पत्नीला या प्रकाराची माहिती मिळाली तेव्हा पतीच्या या कृत्यामुळे ती संतप्त झाली. त्यानंतर तिने पोलीस ठाणे गाठत पतीविरोधात गुन्हा दाखल केला. आता पोलिसांनी सदर तरुणाचं फेसबुक अकाऊंट डिलीट केलं आहे.
हे प्रकरण फिरोजाबादमधून समोर आले आहे. एका २६ वर्षीय महिलेने त्याच्या २८ वर्षीय पतीविरोधात पोलिसांमध्ये तक्रार दाखल केली आहे. तिने पतीवर आरोप केला की, त्याने फेसबुकवर महिलेचा आंघोळ करतानाचा व्हिडीओ अपलोड केला. महिलेने सांगितले की, तिचा पती दिल्लीतील उत्तम नगरमध्ये राहतो. तो सर्कशीत काम करतो. यादरम्यान एकदा त्याने व्हिडीओ कॉलवर पत्नीचा आंघोळ करतानाचा व्हिडीओ रेकॉर्ड केला. त्यानंतर तो फेसबुकवर अपलोड केला.
दरम्यान, पोलिसांकडे तक्रार दाखल झाल्यानंतर पोलिसांनी सर्वप्रथम त्या तरुणाचं अकाउंट डिलीट केलं. तसेच पोलिसांनी आरोपी तरुणाविरोधात गुन्हाही दाखल केला. दरम्यान, पीडित महिलेने सांगितले की, तिचा पती सोशल मीडिया अॅडिक्ट आहे. तो सोशल मीडियावर फॉलोअर्स वाढवण्यासाठी या पातळीपर्यंत जाईल, असं मला वाटलंही नव्हतं. महिलेने सांगितले की, जेव्हा मी माझे अश्लील फोटो त्याच्या सोशल मीडिया अकाऊंटवर पाहिले तेव्हा मला धक्का बसला. मी त्याला हे फोटो डिलीट कऱण्यास सांगितले. मात्र त्याने नकार दिला. त्यामुळे नाईलाजास्तव मला पोलिसांकडे गुन्हा दाखल करावा लागला. दरम्यान, आपल्या पतीविरोधात कठोर कारवाई व्हावी, अशी मागणी पत्नीने केली आहे.