नवी दिल्ली - मध्य प्रदेशमध्ये एक मन सुन्न करणारी घटना घडली आहे. सासरे अन् मेहुणीच्या त्रासाला कंटाळून एका डॉक्टरने टोकाचं पाऊल उचललं आहे. आत्महत्या करून जीवन संपवलं आहे. डॉक्टरच्या चार पानी सुसाईड नोटने परिसरात खळबळ उडाली आहे. "मला जगायचं होतं पण त्यांनी मला जगू नाही दिलं" असं देखील त्यांनी म्हटलं आहे. मध्य प्रदेशच्या ग्वाल्हेरमधील डॉ. गौरव गुप्ता यांनी विषारी इंजेक्शन घेऊन आत्महत्या केली. पोलिसांना घटनास्थळी गौरव यांनी लिहिलेली चार पानी सुसाईड नोट आणि विषारी इंजेक्शन सापडलं आहे. सुसाईड नोटनमधून धक्कादायक खुलासा करण्यात आला आहे. पोलीस याप्रकरणाचा अधिक तपास करत आहेत.
डॉ. गौरव कुमार गुप्ता हे रेल्वेमध्ये डॉक्टर म्हणून कार्यरत होते. साधारण आठ वर्षांपूर्वी त्यांचा विवाह डॉ. अनिल गुप्ता यांची मुलगी शैली गुप्ता हिच्याशी झाला होता. डॉ. गौरव गुप्ता आणि त्यांची पत्नी शैली यांच्यात वाद होत होते, पण शैली यांचे वडील डॉ. अनिल गुप्ता आणि शैली यांची बहिण नेहा त्यांना मानसिक त्रास देत होते. घटस्फोटाच्या कागदपत्रावर सही करण्यासाठी दबाव आणत होते. आपल्या कुटुंबीयांना पोलीस केसमध्ये अडकवण्याची धमकी देत होते, हाच त्रास आता सहन होत नाही असं डॉ. गुप्ता यांनी सुसाईड नोटमध्ये नमूद केलं आहे.
"मला जगायचं होतं पण त्यांनी मला जगू नाही दिलं"
डॉ. गुप्ता यांनी सुसाईड नोटमध्ये आपले सासरे आणि मेहुणी आपल्याला कसा मानसिक त्रास देत होते याबाबत सविस्तर माहिती दिली आहे. लग्नापासून आजपर्यंतच्या अनेक गोष्टीचा उल्लेख केला आहे. चार पानांमध्ये त्यांनी पत्नी शैलीसाठी सर्व काही सहन करत राहिल्याचे म्हटले आहे. आपल्याला जगायचे होते, पण या लोकांनी जगू दिलं नाही. आपल्याला आत्महत्या करायला भाग पाडलं आहे. यासाठी आपले सासरे, मेहुणी आणि पत्नी शैली हिलादेखील कठोर शिक्षा व्हावी असं त्यांनी या सुसाईड नोटमध्ये म्हटलं आहे. डॉक्टर गुप्ता सोमवारी रात्री आपला मित्र महेंद्र याच्या नर्सिंग होममध्ये गेले. रात्री ते तिथेच एका खोलीत राहिले होते. त्यानंतर त्यांनी आत्महत्या केली आहे. एका हिंदी वेबसाईटने याबाबतचे वृत्त दिले आहे.
प्रेमासाठी काय पण! लुडो खेळता खेळता दिरावर प्रेम जडलं; एकमेकांसाठी घरदार सोडलं पण भलतंच घडलं
प्रेमासाठी अनेक जण वाटेल ते करतात. त्यांच्या प्रेमाचे भन्नाट किस्से हे नेहमीच ऐकायला मिळतात. अशीच एक घटना आता समोर आली आहे. ऑनलाईन लुडो खेळताना दिराच्याच प्रेमात वहिनी पडल्याची घटना समोर आली आहे. दीर आणि वहिनी एकमेकांच्या प्रेमात इतके वेडे झाले होते की एकमेकांसाठी दोघांनीही घरदार सोडून पळून जाण्याचा निर्णय घेतला. महिला पतीला सोडून पळून गेली आणि आपल्या दिरासोबत लिव्ह-इन रिलेशनशिपमध्ये राहू लागली. लवकरच लग्न करण्याचा निर्णयही त्यांनी घेतला. त्यासाठीची सर्व तयारी पूर्ण झाली होती. मात्र लग्न होण्यापूर्वीच दीर अचानक गायब झाल्याची घटना समोर आली आहे.