...अन् 45 दिवसांचा संसार झाला उद्ध्वस्त! पत्नीने Video Call वर कापली नस; पतीनेही संपवलं जीवन

Crime News : एक जोडप्याने टोकाचं पाऊल उचललं आणि आत्महत्या करून जीवन संपवलं आहे.

नवी दिल्ली - देशात अनेक धक्कादायक घटना घडत आहेत. याच दरम्यान लखनऊमध्ये एक मन सुन्न करणारी घटना समोर आली आहे. लग्नानंतर अवघ्या 45 दिवसांत संसार उद्ध्वस्त झाला आहे. एक जोडप्याने टोकाचं पाऊल उचललं आणि आत्महत्या करून जीवन संपवलं आहे. पत्नीने व्हिडीओ कॉलवर हाताची नस कापली तर त्यानंतर पतीने गळफास घेऊन आत्महत्या केल्याचं उघड झालं आहे. मिळालेल्या माहितीनुसार, तरुणाचं 45 दिवसांपूर्वीच लग्न झालं होतं आणि फोनवर वाद झाला असता पत्नीने हाताची नस कापून घेतली. त्यानंतर पतीने देखील आत्महत्या करुन आपलं आयुष्य संपवलं आहे.

लखनऊमधील परसादी खेडा, पारा येथे राहणाऱ्या विवेक प्रसादचे 29 नोव्हेंबर रोजी डूडा कॉलनीत राहणाऱ्या रितूसोबत लग्न झालं होतं. विवेकचे वडील गोकर्ण यांनी दिलेल्या माहितीनुसार, तो शुक्रवारी सकाळी ड्युटीवर गेला होता आणि त्यांची (गोकर्ण यांची पत्नी) पत्नी संगीता घरी होती. संगीता गच्चीवर बसल्या होत्या. 2 जानेवारी रोजी सून रितू तिच्या मामाच्या घरी गेली होती आणि तेव्हापासून ती तिथेच राहत होती.

वडिलांनी सांगितलं की, रितूने शुक्रवारी दुपारी विवेकला फोन केला होता आणि त्यावेळी दोघांमध्ये काही गोष्टीवरून वाद झाला. यानंतर रितूने ब्लेडने तिच्या हाताची नस कापली आणि विवेकला व्हिडीओ कॉल केला. दुसरीकडे व्हिडीओ कॉलवर पत्नीची अवस्था पाहून विवेक अस्वस्थ झाला आणि तो आपल्या खोलीत गेला. जिथे त्याने गळफास लावून आपलं जीवन संपवलं.

विवेकनं गळफास लावून आत्महत्या केल्याचं पोलिसांचं म्हणणं आहे. विवेकची आई गच्चीवरून खाली आल्यावर घरच्यांना हा प्रकार कळला. त्यांना खोलीत मुलगा लटकलेला अवस्थेत दिसला आणि त्यानंतर त्यांनी लोकांना बोलावलं. नातेवाईकांनी स्थानिक लोकांच्या मदतीने विवेकचा मृतदेह खाली उतरवून लोकबंधू रुग्णालयात नेला. मात्र डॉक्टरांनी विवेकला रुग्णालयात मृत घोषित केलं. एका हिंदी वेबसाईटने याबाबतचे वृत्त दिले आहे.