खरगोन - मध्य प्रदेशातील खरगोन जिल्ह्यात शनिवारी काही स्थानिक गुंडांनी एका तरुणाला बेदम मारहाण केली. धक्कादायक बाब म्हणजे तरुणाला गुंडांनी बेदम मारहाण केली. इतक्यावरच न थांबता त्यांनी तरुणाच्या गुप्तांगाला मिरची पावडर देखील लावली. हा मारहाणीचा प्रकार सुरु असताना तरुणाच्या मदतीला कोणीचं आलं नाही. पीडित तरुणाने उधार घेतलेले पैसे परत न केल्यामुळे त्याला मारहाण केल्याचं सांगण्यात येत आहे. पोलीस ठाण्यात याप्रकरणी गुन्हा दाखल करण्यात आला असून पुढील तपास सुरु केला आहे. पीडित तरुणाचं नाव शोएब असं आहे.
याप्रकरणी पोलिसांनी सांगितले की, पीडित तरुणाने मारहाण करणाऱ्या गुंडांविरुद्ध पोलिसात तक्रार दाखल केली आहे. मारहाण करण्यात आलेल्या तरुणाचं नाव शोएब असल्याची माहिती मिळत आहे. शोएबने आरोपीकडून जवळजवळ १२ हजार रुपये उसणे घेतले होते. जे परत करणं त्याला जमलं नाही. त्यामुळेच त्याला मारहाण करण्यात आली. दरम्यान, पोलिसांनी याप्रकरणी आणखी काही लोकांना ताब्यात घेतलं आहे. शोएबला रस्त्यावर बोलावून त्याला भरचौकात मारहाण करण्यात आली. नंतर त्याच्या गुप्तांगाला मिरची पावडर लावण्यात आली. हा घटनेचा व्हिडीओ आरोपींनी चित्रित केला आणि सोशल मीडियावर वायरल केला.