पश्चिम चंपारण - बिहारमधील बेतिया भागातील एक अजब प्रकार समोर आला आहे. एका तरुणाने स्वत:च्याच हाताने आपलं गुप्तांग कापलं. नंतर त्याला जीएमसीएचमध्ये दाखल करण्यात आलं. जखमी तरुणाचे नाव इरफान शेख आहे. तो काला बरवा गावात राहणारा आहे. तरुणाने दुकानातून ब्लेड खरेदी केलं आणि स्वत:चे गुप्तांग कापून घेतलं.
या तरुणाने असं का केलं, याबाबत तो काहीही सांगत नाही. तसेच इरफानशिवाय त्यांना पाच मुली असल्याचं कुटुंबीयांचं म्हणणं आहे. त्यांनी पक्कं घर देखील बांधलेलं नाही. त्यामुळे इरफानचं लग्न करीत नव्हतो असं कुटुंबीयांनी सांगितलं. यादरम्यान इरफानने असं धक्कादायक विकृत कृत्य केलं. या कृत्यामुळं कुटुंबीयांना धक्का बसला.
मिळालेल्या माहितीनुसार, इरफान पोखरामध्ये मजुरीचं काम करतो. दोन दिवसांपूर्वी त्याने वडिलांना फोन करून घरी येत असल्याचं सांगितलं होतं. एक दिवसाआधीच नेपाळपोलिसांनी कुटुंबियांना फोन करून मुलगा जखमी असल्याचं सांगितलं. कुटुंबीय रुग्णालयात पोहोचेपर्यंत इरफान तेथून पळून गेला होता. यानंतर कुटुंबीयांनी त्याचा शोध सुरू केला. यादरम्यान भारत-नेपाळ सीमेजवळ इरफान सापडला, नंतर त्याला घेऊन वडील बेतिया येथे पोहोचले आणि त्याला जीएमसीएचमध्ये दाखल केलं.
ॲसिड टाकून चेहरा खराब करेल, तुला सोडणार नाही; धमकावून भाजपाच्या माजी नगरसेवकाने तरुणीचा केला
इरफानने सांगितले, अचानक काहीतरी डोक्यात आलं म्हणून दुकानात जाऊन ब्लेड खरेदी केलं आणि आपल्या हातानेच स्वत:चं गुप्तांग कापून टाकलं. इरफानच्या आईने सांगितले की, पाच मुली असल्यामुळे आणि पक्के घर देखील नसल्यामुळे त्याचं लग्न करणं अवघड झालं होतं. सध्या रुग्णालयात इरफानवर उपचार सुरू आहेत. डॉक्टर त्याच्यावर शस्त्रक्रिया करणार असल्याची माहिती मिळत आहे, अशी बातमी हिंदी न्यूज १८ने दिली आहे.