मुंबई - दिवाळी सणानिमित्त मंत्रालयाबाहेर काळा कंदील लावून काँग्रेस कार्यकर्त्यांकडून भाजप सरकारचा निषेध करण्याचा प्रयत्न आज फसला आहे. मरिन ड्राईव्ह पोलिसांनी राजगुरू चौक येथून काँग्रेसच्या दोन पदाधिकाऱ्यांना ताब्यात घेतले असल्याची माहिती मरिन ड्राईव्ह पोलीस ठाण्याचे वरिष्ठ पोलीस ठाण्याचे विलास गंगावणे यांनी लोकमतशी बोलताना दिली. हे दोघेही नागपाडा येथे राहणारे असून झिशान सय्यद अहमद असे एकाचे नाव आहे. काँग्रेस (आय) पक्षाचा हा पदाधिकारी आहे.
मरिन ड्राईव्ह पोलिसांनी मंत्रालयासमोर काळा कंदील लावून निषेध करण्यापूर्वीच दोघांना ताब्यात घेतले आणि मरिन ड्राईव्ह पोलीस ठाण्यात घेऊन गेले. त्यामुळे कायदा व सुव्यवस्थेला होणारी बाधा टळली आहे.