लक्झरी कार, धर्मांतर आणि जबरदस्तीने निकाह; ब्युटीशियन बहिणींच्या सिंडिकेटची इनसाईड स्टोरी

न्यू मार्केटमधील एका कपड्याच्या दुकानात काम करणाऱ्या हिंदू तरुणीने पोलिसांकडे आपली वेदनादायक व्यथा मांडली आहे.

भोपाळच्या अब्बास नगरमधून सुरू झालेलं नेटवर्क आता होशंगाबाद रोडवरील 'सागर रॉयल व्हिला'पर्यंत पसरलं होतं. अमरीन ऊर्फ माहिरा आणि आफरीन या दोन ब्युटीशियन बहिणींवर आरोप आहे की, त्यांनी केवळ मुलींना देहव्यापाराच्या दलदलीत ढकललं नाही, तर त्यांना अंमली पदार्थ देऊन त्यांच्यावर बलात्कार आणि जबरदस्तीने धर्म परिवर्तनासाठी दबावही टाकला.

'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!

न्यू मार्केटमधील एका कपड्याच्या दुकानात काम करणाऱ्या हिंदू तरुणीने पोलिसांकडे आपली वेदनादायक व्यथा मांडली आहे. पीडितेच्या म्हणण्यानुसार, ८ जून २०२४ रोजी एका मित्राच्या वाढदिवसाच्या पार्टीत तिची ओळख संजना नावाच्या मुलीशी झाली. संजनानेच तिची भेट अमरीनशी करून दिली. ऑगस्ट २०२५ मध्ये अमरीनचा मित्र चंदन यादव पीडितेला आपल्या बहिणीच्या घरी घेऊन गेला आणि तिला गुंगीचे औषध पाजून तिच्यावर बलात्कार केला.

अमरीन आणि चंदनने पीडितेवर इस्लाम धर्म स्वीकारण्यासाठी आणि कुराण वाचण्यासाठी दबाव आणला. तपासात असं समोर आलं आहे की, या टोळीतील दुसरी सदस्य संजना हिने देखील धर्म परिवर्तन करून आपलं नाव 'जन्नत' ठेवलं होतं आणि अमरीनचा भाऊ हैदर याच्याशी लग्न केलं होतं. पीडितेवर तोकडे कपडे घालून क्लब आणि पार्ट्यांमध्ये जाण्याची सक्ती केली जात असे. असाही आरोप आहे की, अमरीनचा भाऊ बिलाल याने अब्बास नगरमध्ये आणि याशिरने तिला अहमदाबादला नेऊन तिच्यावर जबरदस्तीने शारीरिक संबंध ठेवले.

स्थानिक रहिवाशांनी या गँगबद्दल धक्कादायक माहिती दिली आहे. अमरीन आणि आफरीनच्या घराजवळ उशिरा रात्रीपर्यंत लक्झरी गाड्यांची वर्दळ असायची. पाश्चात्य आणि तोकडे कपडे घातलेल्या मुलींचे तिथे येणं-जाणं सामान्य झालं होतं. परिसराची होणारी बदनामी आणि या अनैतिक कृत्यांमुळे अनेक कुटुंबांना आपली घरं सोडून जावं लागलं. लोकांचा विरोध वाढल्यानंतर या दोन्ही बहिणी होशंगाबाद रोडवरील पॉश 'सागर रॉयल विला'मध्ये राहायला गेल्या, जिथे त्यांनी पुन्हा हेच नेटवर्क सुरू केले.

बागसेवनिया पोलीस ठाण्याने या प्रकरणाचे गांभीर्य ओळखून कडक कारवाई सुरू केली आहे. मुख्य आरोपी अमरीन आणि चंदन यादव यांना पोलिसांनी ५ दिवसांच्या रिमांडवर घेतलं आहे. दुसरी बहीण आफरीनची रवानगी जेलमध्ये करण्यात आली आहे. पोलीस आता यासिर, चानू आणि बिलाल यांचा शोध घेत आहेत.

पोलीस अधिकाऱ्यांनी सांगितलं की, पीडितेच्या जबाबाच्या आधारे बलात्कार आणि धर्मांतराचा गुन्हा दाखल करण्यात आला आहे. या प्रकरणाच्या तपासासाठी पोलिसांचे एक पथक अहमदाबादलाही रवाना झालं आहे. "इतर कोणत्याही मुली या टोळीच्या बळी ठरल्या असतील, तर त्यांनी समोर यावं, त्यांच्या तक्रारीवरही कडक कारवाई केली जाईल. आरोपींना कठोर शिक्षा मिळवून देणे ही आमची प्राथमिकता आहे" असं पोलिसांनी स्पष्ट केलं.