NCB Arrested Aryan Khan: आर्यन खान प्रकरणात २५ कोटींचा बॉम्ब फुटला; समीर वानखेडेंना मिळणार होते ८ कोटी? मोठा दावा

By ऑनलाइन लोकमत | Published: October 24, 2021 02:16 PM2021-10-24T14:16:48+5:302021-10-24T14:17:57+5:30

Mumbai Cruise Rave Party: मुंबई क्रुझवर धाड टाकण्यापूर्वी किरण गोसावीला NCB कार्यालयाबाहेर सॅम डिसुझा नावाचा व्यक्ती भेटला होता असा नवा गौप्यस्फोट करण्यात आला आहे.

Aryan Khan Arrested KP Gosavi bodygaurd Prabhakar revealed over NCB raid on Mumbai Cruise Rave Party | NCB Arrested Aryan Khan: आर्यन खान प्रकरणात २५ कोटींचा बॉम्ब फुटला; समीर वानखेडेंना मिळणार होते ८ कोटी? मोठा दावा

NCB Arrested Aryan Khan: आर्यन खान प्रकरणात २५ कोटींचा बॉम्ब फुटला; समीर वानखेडेंना मिळणार होते ८ कोटी? मोठा दावा

Next
ठळक मुद्देकिरण गोसावी कुणासोबत तरी फोनवर बोलत होता. ज्यात २५ कोटींचा बॉम्ब ठेवल्याचा उल्लेख होताछापेमारीवेळी सावधतेने काही व्हिडीओ आणि फोटो घेतले गेले. आर्यन खान प्रकरणात NCB ने किरण गोसावीला साक्षीदार बनण्यासाठी दबाव टाकला होता.

मुंबई – बॉलिवूड अभिनेता शाहरुख खानचा(Shahrukh Khan) मुलगा आर्यनला NCB ने मुंबई क्रुझ ड्रग्ज प्रकरणात(Mumbai Cruise Drugs Rave Party) अटक केली आहे. या प्रकरणातील साक्षीदार किरण गोसावीचा सहकारी प्रभाकर साईल या घटनेला वेगळचं वळण दिलं आहे. NCB नं धमकावून कोऱ्या कागदावर सह्या घेतल्या. किरण गोसावी गायब झाल्यापासून आपल्या जीवाला समीर वानखेडेंकडून धोका असल्याचं म्हटलं आहे.

मिळालेल्या माहितीनुसार, प्रभाकर हा किरण गोसावीचा(Kiran Gosavi) बॉडीगार्ड म्हणून काम करत होता. मुंबई क्रुझ रेव्ह पार्टीवर छापेमारीपूर्वी गोसावीला कोऱ्या कागदावर सही करण्यासाठी मजबूर केले. क्रुझवर ड्रग्ज मिळाले की नाही याबाबत कल्पना नाही. परंतु या कोऱ्या कागदाचा वापर आर्यन प्रकरणात वापरण्यात आला. किरण गोसावी कुणासोबत तरी फोनवर बोलत होता. ज्यात २५ कोटींचा बॉम्ब ठेवल्याचा उल्लेख होता. ही डील १८ कोटींमध्ये सेटल होणार होती. ज्यातील ८ कोटी समीर वानखेडे यांना मिळणार होते. या संवादात शाहरुखची मॅनेजर पूजा दादलानीकडून पैसे घेण्याचा उल्लेख होता. पूजा फोन उचलत नव्हती असंही संवादात म्हटलं गेले.

तर मुंबई क्रुझवर धाड टाकण्यापूर्वी किरण गोसावीला NCB कार्यालयाबाहेर सॅम डिसुझा नावाचा व्यक्ती भेटला होता. छापेमारीवेळी सावधतेने काही व्हिडीओ आणि फोटो घेतले गेले. एका व्हिडीओत स्पष्टपणे दिसत होतं की, गोसावीने ताब्यात घेण्यापूर्वी आर्यन खान कुणाशी तरी फोनवरुन संवाद साधत होता. या कारवाईमागे मोठं षडयंत्र असल्याचा संशय प्रभाकर साईलनं व्यक्त केला आहे.

NCB च्या कारवाईवर प्रश्नचिन्ह

आर्यन खान प्रकरणात NCB ने किरण गोसावीला साक्षीदार बनण्यासाठी दबाव टाकला होता. साक्षीदाराला छापेमारीची माहिती कशी मिळू शकते. पंचनामा कारवाई आधीच केला होता. लोकांकडून सह्या घेतल्या होत्या. या कारवाईमागे तो व्यक्ती आहे ज्याच्यासोबत गोसावीने आर्यनशी फोनवरुन बोलणं करुन दिलं होतं. या संवादानंतर आर्यनला ताब्यात घेण्यात आलं. प्रभाकरने सॅम नावाच्या व्यक्तीचा शोध घेण्याचं आवाहन केले आहे. ज्याला छापेमारीपूर्वी किरण गोसावी NCB कार्यालयाबाहेर भेटला होता. एनसीबीच्या क्रूझवरील कारवाईवेळी  एनसीबीचे अधिकारी, मी, किरण गोसावी आणि मनिष भानुशाली इतकेच उपस्थित होतो, अन्य कोणीही पंच उपस्थित नव्हते. माझ्या जीवाला धोका असल्याने सोलापूरला जाऊन राहिलो होतो. पंच असूनही आता कुटूंबीयांना धोका असल्याने  सर्व सत्य सांगत आहेत असं प्रभाकर साईलनं कबुली दिली.

Web Title: Aryan Khan Arrested KP Gosavi bodygaurd Prabhakar revealed over NCB raid on Mumbai Cruise Rave Party

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app