अंबिकापुर/उदयपूर - छत्तीसगडमधील सरगुजा जिल्ह्यातून अत्यंत धक्कादायक घटना समोर आली आहे. या घटनेने पोलिसांनाही देखील धक्का बसला. येथे एका अल्पवयीन मुलाने आपल्याच आई-वडिलांची हत्या केली. एवढेच नव्हे तर त्याने दोघांचे मृतदेह घरातच पुरले. तब्बल एक आठवड्यापर्यंत तो मृतदेह पुरलेल्या घरात बसून जेवत होता आणि झोपत होता. काही दिवसांनंतर जेव्हा विधी संघर्ष बालकाचा थोरला भाऊ घरी आला तेव्हा या संपूर्ण धक्कादायक प्रकरणाचा खुलासा झाला.
आईला वाचवण्यासाठी मुलाने लावली जीवाची बाजी, ना स्वतः वाचला, ना आईला वाचवता आले
हे धक्कादायक दुहेरी हत्याकांड प्रकरण सरगुजा जिल्ह्यातील उदयपूर भागातील खोधला गावातील आहे. जयराम सिंह (50) आणि फूलसुंदरी बाई (45) आपल्या लहान मुलासह राहत होते. तर त्यांचा थोरला मुलगा हेमंत जवळील गावात आपल्या सासरी राहतो. अल्पवयीन मुलाने 28 फेब्रुवारी रात्री आई-वडील घरात झोपलेले असताना धारदार शस्त्राने त्यांनी हत्या केली. नंतर त्याने घरात खड्डा खणला आणि वडिलांचा मृतदेह घरातच पुरला. दोन दिवसांनंतर आईचा मृतदेह पुरल्यानंतर आरोपीने घरातील रक्ताचे डाग स्वच्छ केले. भयानक गोधत म्हणजे आरोपीने ज्या खोलीत आई-वडिलांचा मृतदेह पुरला होता, त्याच खोलीत तो दररोज स्वयंपाक करून खात होता आणि पुरलेल्या ठिकाणी झोपत होता.
खळबळजनक! पतीने केले क्रूर कृत्य, पत्नीची हत्या करून मृतदेह पुरला बाथरूममध्ये पुरला
अभिनेत्रीला अश्लील मेसेज पाठवल्याप्रकरणी प्रसिद्ध फॅशन डिझायनरच्या मुलाला बेड्या
आठवड्याने लहान मुलाचा थोरला भाऊ घरी पोहोचला. घरी आई-बाबा नव्हते. जेव्हा तो घरी आला तेव्हा दुर्गंध येत असल्यानं तो घाबरला. यानंतर त्याने तात्काळ पोलिसांना बोलावलं. पोलीस घटनास्थळी पोहोचले आणि आरोपीची चौकशी केल्यानंतर त्याने स्वत:चा गुन्हा कबुल करीत सर्व हकीकत सांगितली. यानंतर पोलिसांच्या फॉरेन्सिक तज्ज्ञांच्या टीमने खड्डा खणला आणि दोन्ही मृतदेह बाहेर काढले. पोलिसांनी आरोपीला अटक केली आहे. प्राथमिक तपासात विधी संघर्ष बालक मानसिकदृष्ट्या विक्षिप्त असल्याचं समोर आलं. आई-वडील त्याची नीट काळजी घेत नव्हते, म्हणून त्यांनी दोघांची हत्या केल्याचं आरोपीने सांगितलं. तसेच थोरल्या भावाने सांगितलं की, आरोपी खूप रागीट आहे. तो नेहमी आई-वडिलांवर चीड चीड करीत होता.