ठाणे : मुख्यमंत्री सुपुत्र आणि कल्याणचे खासदार श्रीकांत शिंदे यांची नाहक बदनामी केल्याचा आरोप करत शिवसेनेच्या ठाणे माजी महापौर मीनाक्षी शिंदे यांनी ठाण्यातील कापूरबावडी पोलीस ठाण्यात संजय राऊत यांच्या विरोधात दिलेल्या तक्रारीनंतर गुन्हा दाखल करण्यात आला आहे. हा गुन्हा बुधवारी रात्री उशिरा दाखल करण्यात आला आहे.
दोन दिवसांपूर्वी ठाण्याच्या पोलीस आयुक्तांना पत्र लिहून आपल्याला मारण्याचा कट केला जात आहे. असे खासदार राऊत यांनी ठाणे पोलीस आयुक्तांना कळवले होते. या पत्रात म्हटल्याप्रमाणे हा कट खासदार श्रीकांत शिंदे यांनी स्थानिक कार्यकर्ता असलेल्या राजा ठाकूर यांना सांगितले असल्याचे त्यामध्ये नमूद केलेले होते. यामुळेच खासदार शिंदे यांच्यावर सुपारी दिल्याचा आरोप खासदार राऊत यांनी केल्यानंतर राऊत यांनी केलेल्या बेताल वक्तव्याविरोधात माजी महापौर मिनाक्षी शिंदे यांनी बुधवारी तक्रार दाखल केली . या तक्रारीची दखल घेत कापूरबावडी पोलीस ठाण्यात संजय राऊत यांच्या विरोधात गुन्हा दाखल करण्यात आलाय.संजय राऊत यांच्या विरोधात भादवी कलम 211,153(अ),501,504, 505(2) प्रमाणे गुन्हा नोंदवण्यात आलाय. खासदार शिंदे यांची बदनामी केली,समाजात तेढ,वैमनस्य निर्माण करणे,खोटे पत्र देणे म्हणून तक्रार केली होती याच अंतर्गत गुन्हा केलाय दाखल झाला आहे. राऊत बेताल वक्तव्य करीत असून त्यांचे मानसिक संतुलन बिघडले असल्याने ते काही ही बडबडत असतात,खासदार श्रीकांत शिंदे यांची प्रतिमा मालिन करण्याचे आक्षेपार्ह विधान करीत आहेत अशी टीका माजी महापौर मिनाक्षी शिंदे यांनी केलीय..
ठाणे पोलिसांनी नोंदवला राऊत यांचा जबाब
बुधवारी सकाळी ठाणे पोलिसांनी इगतपुरी येथे जाऊन संजय राऊत यांनी दिलेल्या लेखी तक्रारी अर्जावर त्यांचा जबाब नोंदवला असून बुधवारी रात्री मीनाक्षी शिंदे यांच्या आलेल्या तक्रारीवरून संजय राऊत यांच्या विरोधातच गुन्हा दाखल केला आहे.
राजा ठाकूर यांच्या कुटुंबीयांनी ही दिली आहे तक्रार
या पत्रामध्ये संजय राऊत यानी नमूद केल्याप्रमाणे राजा ठाकूर यांच्या पत्नी पूजा ठाकूर यांनी ही मंगळवारी रात्री लेखी तक्रार कापूर बावडी पोलीस ठाण्यात तक्रार दिली आहे.त्यासोबत आमची बदनामी झाली असल्याचे सांगत न्यायालयात दावा देखील दाखल करणार असल्याचे जाहीर केलेले आहे.
संजय राऊत यांना वेड लागलंय
संजय राऊत यांना वेड लागला असल्याचा दावा प्रवक्ते नरेश म्हस्के यांनी केला होता, त्यांना रोज सकाळी बडबड करण्याची सवय असल्याचा टोला देखील म्हस्के यांनी हा तक्रारीचे पत्र दिल्यानंतर बोलताना लगावला आहे.