नवी दिल्ली - उत्तर प्रदेशातील महोबा जिल्ह्यात माणुसकीला काळीमा फासणारी घटना समोर आली आहे. 80 वर्षीय महिलेवर सामूहिक बलात्कार झाल्याची धक्कादायक घटना समोर आली आहे. या प्रकरणी पोलिसांत तक्रार दाखल करण्यात आली असून पोलीस अधिक तपास करत आहेत. घरात कोणीही नसताना सामूहिक बलात्कार करण्यात आल्याचा भयंकर प्रकार घडला आहे. मिळालेल्या माहितीनुसार, महोबा जिल्ह्यातील खरेला गावात ही घटना घडली आहे. पीडित कुटुंबाच्या तक्रारीनुसार, वृद्ध महिलेवर दोन जणांनी सामूहिक बलात्कार केला.
80 वर्षीय महिला घरामध्ये एकटीच होती. एका धार्मिक कार्यक्रमात भाग घेण्यासाठी कुटुंबातील सदस्य घराला बाहेरून टाळ लावून गेले होते. त्याचवेळी आरोपी जबरदस्तीने घरात घुसले आणि त्यांनी वृद्ध महिलेवर सामूहिक बलात्कार केला. कुटुंबीय घरी परत आल्यावर हा धक्कादायक प्रकार समोर आला. या घटनेने परिसरात एकच खळबळ उडाली आहे. सध्या दोन्ही आरोपी फरार असून पोलीस या आरोपींचा शोध घेत आहेत. एका हिंदी वेबसाईटने याबाबतचे वृत्त दिले आहे.
माणुसकीला काळीमा! 15 वर्षीय मुलीवर सलग 5 महिने तब्बल 17 जणांनी केला बलात्कार
देश कोरोनाच्या संकटाचा सामना करत असतानाच मन हेलावून टाकणाऱ्या अनेक घटना समोर येत आहेत. याच दरम्यान एक भयंकर घटना समोर आली आहे. एका 15 वर्षीय मुलीवर सलग 5 महिने तब्बल 17 जणांनी बलात्कार केल्याची धक्कादायक घटना घडली आहे. पीडित मुलीवर गेल्या पाच महिन्यांपासून बलात्कार, लैंगिक अत्याचार आणि तस्करी केल्याप्रकरणी आठ जणांना अटक करण्यात आली आहे. कर्नाटकच्या चिक्कमंगळुरूमध्ये ही घटना घडली असून आरोपींमध्ये मुलीच्या मावशीचाही समावेश आहे.
क्रूरतेचा कळस! अल्पवयीन मुलीवर सामूहिक बलात्कार, कुटुंबीयांची केली हत्या
छत्तीसगडच्या कोरबा जिल्ह्यात मन हेलावून टाकणारी घटना घडली आहे. एका 16 वर्षीय मुलीवर सामूहिक बलात्कार करून तिची दगडकाठ्यांनी मारहाण करत अत्यंत क्रूर पद्धतीने हत्या करण्यात आली. तसेच तिच्या कुटुंबीयांची देखील हत्या करण्यात आली आहे. पोलिसांनी या प्रकरणी सहा जणांना अटक केली आहे. कोरबा पोलीस ठाण्याचे वरिष्ठ अधिकाऱ्यांनी दिलेल्या माहितीनुसार, लेमरू पोलीस ठाण्याअंतर्गत येणाऱ्या गढुपरोदा गावात ही घटना घडली. 29 जानेवारी घडलेल्या या घटनेची माहिती मंगळवारी समोर आली. त्यानंतर या प्रकरणात सहा आरोपींना अटक करण्यात आली आहे. संतराम मझवार (45), अब्दुल जब्बार (29), अनिल कुमार सारथी (20), परदेसी राम पनिका (35), आनंद राम पनिका (25) आणि उमाशंकर यादव (21) अशी आरोपींची नावं आहेत. हे सर्व आरोपी सतरेंगा गावचे रहिवासी आहेत.