घरात घुसून ५-६ दरोडेखोरांनी दागिन्यांसह दीड लाखांची चोरी

कपाटातील सोने व नगदी पैसे असा एकूण एक लाख ४७ हजार रुपयांचा मुद्देमाल दरोडेखोरांनी लंपास केल्याचे म्हटले.

नांदुरा (बुलढाणा) : नांदुरा तालुक्यातील वडाळी येथे २४ जुलै रोजी रात्री बारा ते एक वाजण्याच्या दरम्यान अज्ञात पाच ते सहा दरोडेखोरांनी घरात घुसून सोने व चांदी रोख रकमेसह एक लाख पन्नास हजारांची रक्कम लंपास केल्याची घटना घडली.                         

याबाबत अनिल उर्फ गजानन शालिग्राम वक्टे (४२) यांनी नांदुरा ठाण्यात तक्रार दिली. त्यामध्ये ५ ते ६ अनोळखी व्यक्तींनी त्यांच्या घरात प्रवेश केला. यावेळी त्यांची पत्नी, मुलगा, आई, वडील घरात झोपलेले होते. पत्नीला जीवे मारण्याची धमकी देत त्यांच्या अंगावरील सोन्याचे दागिने जबरीने काढून घेतले. कपाटातील सोने व नगदी पैसे असा एकूण एक लाख ४७ हजार रुपयांचा मुद्देमाल दरोडेखोरांनी लंपास केल्याचे म्हटले. पोलिसांनी अज्ञात आरोपीविरूद्ध गुन्हा दाखल केला. पुढील तपास ठाणेदार अनिल बेहराणी यांच्या मार्गदर्शनात सुरू आहे.