शहरं
Join us  
Trending Stories
1
‘पीओके’मधील दहशतवादी नेटवर्कवर भारत करणार प्रहार; उच्चस्तरीय विचारविनिमय सुरू; ४२ सक्रिय दहशतवादी तळ केंद्राच्या रडारवर
2
आजचे राशीभविष्य, २९ एप्रिल २०२५: सार्वजनिक क्षेत्रात मानहानी होण्याची शक्यता
3
तीन देशांत एकाच वेळी वीज गायब; सर्व काही थांबले; देशभरातील वाहतूक सिग्नलवर परिणाम
4
१६ पाकिस्तानी यूट्युब चॅनेलवर सरकारची बंदी; केंद्रीय गृहमंत्रालयाच्या शिफारशींनुसार बंदी
5
त्यांची जबाबदारी माझ्यावर होती, मी माफी कशी मागू, शब्द नाहीत; मुख्यमंत्री ओमर अब्दुल्ला यांनी दिली कबुली
6
नौदलाच्या ताफ्यात येणार फ्रान्सची २६ राफेल विमाने; ६४ हजार कोटींच्या खरेदी करारावर देशांच्या स्वाक्षऱ्या
7
गूढ कायम.. खरं, खोट्याचा होईना उलगडा; डॉ. वळसंगकरांच्या आत्महत्येला दहा दिवस ओलांडले
8
‘म्हाडा’चे ५ हजार घरांचे दिवाळी गिफ्ट; जुन्या इमारतीचाही पुनर्विकास होणार
9
१९ चाळींचा पुनर्विकास एमएमआरडीए करणार; मुख्यमंत्री देवेंद्र फडणवीस यांच्या उपस्थितीत महत्त्वपूर्ण निर्णय
10
‘लिव्ह इन’, उत्तराखंड आणि समान नागरी संहिता
11
बुलेट ट्रेन २०२८ अखेरीस मुंबईतून धावणार सुसाट, नवी मुंबई विमानतळ गेम चेंजर ; मुख्यमंत्री फडणवीस
12
मुलांचा ताबा देताना धर्म विचारात घेतला जाऊ शकत नाही : हायकोर्ट
13
कान टोचले, बरे झाले ! केंद्राने विशेष पत्रक काढून माध्यमांना काही मार्गदर्शक सूचना दिल्या
14
पाण्यासाठी भारत-पाक युद्ध पेटण्याची वेळ येऊन ठेपली ?
15
मोठमोठे रस्ते बांधत आहात, इकडे लाेकांचा जीव जाताेय; जखमींवर कॅशलेस उपचारांवरून सर्वाेच्च न्यायालयाने केंद्राला फटकारले
16
'भारतीय सैन्य कधीही हल्ला करू शकते...', पाकिस्तानी संरक्षण मंत्र्याने व्यक्त केली भीती
17
बोगस डॉक्टरांविरोधात प्रशासनाने कसली कंबर; तालुकापातळीवरही समिती सक्षम होणार!
18
जिल्हा पोलिस दलातील सांगलीच्या सहा जणांना महासंचालक सन्मानचिन्ह; १ मे रोजी प्रदान सोहळा

बकरी चोरांनी बांधला १० कोटींचा बंगला; संपत्ती पाहून पोलीसही चक्रावले

By ऑनलाइन लोकमत | Updated: August 19, 2023 20:39 IST

आरोपींनी दोन महिन्यांच्या अंतराने प्रवाशांना आपल्या ऑटो रिक्षात बसवून त्यांच्याकडून ७ लाख रुपये लुटले

बिहारची राजधानी पाटणा येथील कोतवाली पोलिसांनी अटक केलेल्या आरोपींच्या तपासात आश्चर्यकारक माहिती समोर आली. त्यामुळे, पोलीसही अचंबित झाले असून अधिक तपास करण्यात येत आहे. नट खलिफा गटाच्या तीन जणांना पोलिसांनी अटक केली आहे. या चोरट्यांनी केवळ बकऱ्या चोरून आणि पाकिटमारी करुन तब्बल १० कोटी रुपयांची इमारत उभारली आहे. त्यामुळे, पोलिसांना आश्चर्याचा धक्काच बसला. 

आरोपींनी दोन महिन्यांच्या अंतराने प्रवाशांना आपल्या ऑटो रिक्षात बसवून त्यांच्याकडून ७ लाख रुपये लुटले. जवळपास १ डझन लोकांचे खिसे कापून आणि बॅगेतील सोनं गायब करण्यात आलंय. वीरु नट, संतोष खलिफा आणि अजय खलिफा अशी अटक केलेल्यांची नावे आहेत. या आरोपींकडून एक रिक्षा, ५ लाख ६३ हजार रुपये रोख, सोने-चांदीचे दागिने, तीन मोबाईल आणि अवैधपणे जमा केलेल्या संपत्तीची कागदपत्रेही जप्त करण्यात आली आहेत. 

अटकेतील सर्वच आरोपी एकमेकांचे नातलग आहेत. चोरी हाच त्यांचा मूळ धंदा असल्याची माहिती पोलीस तपासात समोर आली, असे एसपी वैभव शर्मा यांनी सांगितले. या आरोपींच्या एकूण संपत्तीची माहिती कोतवाली पोलीस ठाण्याचे अधिकारी मिळवत आहेत. या आरोपींचे प्रकरण आयकर विभाग आणि ईओयू म्हणजे आर्थिक गुन्हे विभागाकडे सोपविण्यात आला आहे. 

आरोपी विरुने पोलिसांना सांगितले की, आमचा मूळ व्यवसाय हा बकरी चोरीचा आहे. दिवसभर गावं आणि घरांची रेकी करुन रात्री बकऱ्या चोरतो. त्यानंतर, या बकऱ्या पाटणाच्या चित्तकोहरा येथील बकरी बाजारात विकल्या जातात. विरु हा पायाने अपंग आहे, पण रिक्षा चालवण्यात परफेक्ट आहे. याच कौशल्यातून विरुसह त्याच्या नातलगांनी ऑटो रिक्षातील प्रवाशांना लुटायचा चोरीचा दुसरा धंदा सुरू केला होता. 

विरुने बिहारमधील सोन्याच्या व्यापाऱ्यांचा बारकाईने अभ्यास केला होता. बाकरगंज येथे ही व्यापारी मंडळी येतात म्हणून त्याने तेथूनच रिक्षाचा धंदा करण्यास सुरुवात केली होती. संतोष आणि अजय यांच्या मदतीने रिक्षातील प्रवाशांना वाटेतच अडवून ते पैसे आणि दागिने लुटण्याचं काम करत. विशेष म्हणजे यासाठी दुसऱ्याच्या नावाने खेरदी केलेली रिक्षा ते वापरत होते. 

दरम्यान, पोलिसांना या चोरट्यांकडून मोठी रक्कम व संपत्ती हस्तगत करण्यात येत आहे. यांच्या बंगल्याची बाजार भावानुसार किंमत अंदाजे १० कोटी एवढी असल्याचे समजते. हा बंगला ५ मजली उंच आणि अलिशान आहे. 

टॅग्स :BiharबिहारThiefचोरPoliceपोलिसCrime Newsगुन्हेगारीauto rickshawऑटो रिक्षा