दोन दिवसांपासून तहसील अंधारात

जालना : तहसील कार्यालयात शार्टसर्कीट झाल्याने कार्यालयाचा वीजपुरवठा खंडित झाला असून, गेल्या दोन दिवसांपासून कार्यालयात अंधाराचे साम्राज्य पसरले आहे. मात्र, याकडे संबंधितांचे दुर्लक्ष असल्याचे दिसून येते.
जालना तहसील कार्यालयात ११ आॅगस्ट रोजी स्वीच बॉक्समध्ये शार्टसर्किट झाला. त्यात स्वीचचे वायर जळाले. तसेच थ्री फेज लाईन मधील दोन फेजचा पुरवठा खंडित झाला. त्यामुळे तहसील दोन दिवसांपासून अंधारात आहे. महावितरणच्या संबंधित अधिकाऱ्यांना याची माहिती देवून ही दोन दिवसांपासून त्यांनी तहसीलचा वीज पुरवठा सुरळीत करण्याची तसदी घेतली नाही.
दरम्यान, संबंधित अभियंत्यांना लेखी माहिती देण्यात येणार असल्याचे तहसीलदार रेवननाथ लबडे यांनी स्पष्ट केले. (प्रतिनिधी)
तहसीलमध्ये विविध प्रमाणपत्रांसाठी नागरिकांची गर्दी होत आहे. तसेच तालुक्यातील आगामी ८७ ग्रामपंचायतींच्या निवडणुकांचे कामकाज सुरू असल्याने हे सर्व काम ठप्प झाले आहे. त्यामुळे नागरिकांचीही गैरसोय होत आहे.
तहसील हे नेहमीच वर्दळ असलेले कार्यालय, या कार्यालयातीलच वीजपुरवठा दोन दिवसांपासून खंंिडत होतो. त्याची माहिती संबंधितांना देवून ही पुरवठा पूर्ववत होत नाही. त्यामुळे तालुका दंडाधिकाऱ्यांचेच काम महावितरणचे अधिकारी व कर्मचारी वेळेवर करीत नसेल तर सर्वसामान्यांचे काय असा प्रश्न या निमित्ताने उपस्थित होत आहे.