वºहाडाच्या टेम्पोला तिहेरी अपघात

नळदुर्ग : वºहाडी मंडळींना घेऊन निघालेल्या ट्रकने टमटमला पाठीमागून धडक देत समोरून येणार्‍या ट्रकलाही धडक दिली़ या अपघातात १४ वºहाडींसह १६ जण जखमी झाले असून, यातील ६ गंभीर जखमींना सोलापूर येथील रूग्णालयात उपचारासाठी दाखल करण्यात आले आहे़ हा अपघात रविवारी दुपारी नळदुर्ग नजीक राष्ट्रीय महामार्गावर घडला़ पोलिसांनी सांगितले की, रामतीर्थतांडा (ता़तुळजापूर) येथील ६० वºहाडींना घेऊन रविवारी दुपारी ट्रक (क्ऱ एम़एच़२५- यू़ ६१३) हा फुलवाडी तांड्याकडे जात होता़ नळदुर्ग नजीकच्या राष्ट्रीय महामार्गावरील खंडोबा पणन नजीक अणदूरकडे जाणार्‍या टमटमला ट्रकने पाठीमागून धडक दिली़ तर सोलापूर येथून हैदराबादकडे जाणार्‍या ट्रकलाही (क्ऱए़पी़०४- व्ही़६०७०) समोरून जोराची धडक दिली़ अपघातानंतर ट्रकच्या टपावर बसलेली वºहाडी मंडळी रस्त्यावर पडली़ या अपघातात भारतबाई राठोड (वय ४०), चांदूबाई राठोड (५२), नेमाबाई राठोड (५०), सुरताबाई राठोड (६०), गुनाबाई राठोड (६५), अंजना राठोड (७०), मोसाबाई राठोड (७०), सचिन चव्हाण (१५), सूरज राठोड (१६), रवींद्र राठोड (१९), अतुल राठोड (१७), राहुल राठोड (१७), सुशीला राठोड (३५) या वºहाडींसह टमटममधील प्रशांत धर्मराज कनकधर (रा़नळदुर्ग), दुसर्‍या ट्रकमधील शिराजोद्दीन उस्मानसाब शेख (५५) हे जखमी झाले़ सदरील अपघातातील जखमींवर नळदुर्ग येथील प्राथमिक आरोग्य केंद्रात प्रथमोपचार करण्यात आले़ गंभीर जखमी भारतबाई राठोड, चांदूबाई राठोड, सुरताबाई राठोड, नेमाबाई राठोड, मोताबाई राठोड यांना सोलापूर येथील रूग्णालयात दाखल करण्यात आले आहे़ या प्रकरणी प्रशांत कनकधर यांनी दिलेल्या फिर्यादीवरून ट्रकचालकाविरूध्द नळदुर्ग पोलिस ठाण्यात गुन्हा दाखल करण्यात आला आहे़ घटनेचा अधिक तपास हेकॉ बजरंग सरपाळे हे करीत आहेत़ (वार्ताहर)