छत्रपती संभाजीनगर : राज्याच्या पर्यावरण मंत्री पंकजा मुंडे यांच्या हेलिकॉप्टरला आज छत्रपती संभाजीनगर विमानतळावर तांत्रिक बिघाड झाल्याची धक्कादायक घटना समोर आली. सुदैवाने, उड्डाण घेण्यापूर्वीच हा बिघाड वैमानिकाच्या लक्षात आल्याने एक मोठी दुर्घटना टळली. दरम्यान, यावर आता स्वत: मुंडे यांनी स्पष्टीकरण दिले.
"कालही वाटले होते की हेलिकॉप्टरमध्ये काही तांत्रिक बिघाड आहे. त्या तांत्रिक अडचणीमुळे मी त्या हेलिकॉप्टरने प्रवास केला नाही. मला सांगण्यात आले होते की दुसरे हेलिकॉप्टर पाठवण्यात येईल, मात्र त्यालाही विलंब झाला. मी कारणे देऊन सभा रद्द केली असती, पण ते योग्य वाटले नाही. लोक वाट पाहत होते. ही कार्यकर्त्यांची निवडणूक असल्याने त्यांच्या पाठीशी उभे राहणे गरजेचे आहे. सभा घेऊन त्यांना ऊर्जा आणि ताकद द्यायला हवी. सभा दोन तास उशिरा झाली असली तरी लोक वाट पाहायला तयार होते, असंही मुंडे म्हणाल्या.
‘देव पाण्यात ठेवले’ याचा अर्थ असा होतो की आई रोज लँड झाली का? टेकऑफ झाली का? याच विचारात असते. अजित दादांच्या मोठ्या दुर्घटनेनंतर सगळ्यांची मनं हादरली आहेत. त्यामुळे लोकांच्या मनात तणाव आहे. अनेक कार्यकर्ते विमान किंवा हेलिकॉप्टरचा वापर करू नका, असे संदेशही देत आहेत. मात्र सध्या त्याला पर्याय नाही, असंही मुंडे म्हणाल्या.
पंकजा मुंडे म्हणाल्या, “बसण्याआधी सर्व तांत्रिक बाबी स्पष्ट केल्या जातात, त्यामुळे घाबरण्याचं कारण नाही. काम थांबणार नाही. काही झालं तरी दौरा रद्द होणार नाही. नवीन लोकांना भीती वाटणं साहजिक आहे, पण आपलं कर्तव्य पार पाडावंच लागतं.”
लाडकी बहीण योजना
लाडकी बहीण योजनेला अजित पवार यांचं नाव देण्याच्या मागणीवर त्या म्हणाल्या, “याबाबत देवेंद्र फडणवीस योग्य निर्णय घेतील. हा त्यांच्या पक्षाचा विषय आहे.”
अजित पवार यांच्या मृत्यूबाबत संजय राऊत यांनी केलेल्या वक्तव्यावर प्रतिक्रिया देण्यास पंकजा मुंडे यांनी नकार दिला. “मी कुणाच्या वक्तव्यावर प्रतिक्रिया देऊन मीडियाच्या लाईमलाईटमध्ये येत नाही. गेली २० वर्षे मी अशा गोष्टींवर बोलत नाही,” असं त्यांनी स्पष्ट केलं.
Web Summary : Pankaja Munde faced suspected helicopter trouble before a meeting but proceeded despite the delay. She prioritized supporting party workers, emphasizing their importance in the election. She acknowledged safety concerns after a recent incident but affirmed her commitment to her duties and dismissed rumors surrounding Ajit Pawar.
Web Summary : पंकजा मुंडे को सभा से पहले हेलिकॉप्टर में खराबी का संदेह हुआ, फिर भी देरी के बावजूद आगे बढ़ीं। उन्होंने पार्टी कार्यकर्ताओं का समर्थन करने को प्राथमिकता दी, चुनाव में उनके महत्व पर जोर दिया। उन्होंने हाल की घटना के बाद सुरक्षा चिंताओं को स्वीकार किया लेकिन अपने कर्तव्यों के प्रति अपनी प्रतिबद्धता की पुष्टि की।