छत्रपती संभाजीनगर : गेल्या अनेक महिन्यांपासून प्रतीक्षेत असलेली एसटी महामंडळाची ई-बस छत्रपती संभाजीनगरात दाखल झाली आहे. ही बस पुणे मार्गावर चालविण्याची शक्यता वर्तविली जात आहे.
राज्यभरात ५ हजार ई-बसेस आगामी कालावधीत धावणार आहेत. या बसेस टप्प्याटप्प्यात दाखल होणार आहे. छत्रपती संभाजीनगर विभागाला २०७ ई-बस मिळणार आहे. गेल्या अनेक महिन्यांपासून या बसेसची वाट पाहिली जात आहे. ई-बसच्या चार्जिंगसाठी विभाग नियंत्रक कार्यालय परिसरात चार्जिंग स्टेशनही करण्यात आले आहे. अखेर छत्रपती संभाजीनगरमध्ये ही बस दाखल झाली आहे.