शासनाच्या योजनेचा लाभ घेत, औरंगाबादेत पाहिले खरेदीखत

राज्य शासनाने महिलांसाठी दिलेल्या एक टक्का स्टॅम्प ड्युटी सवलतीचा फायदा घेऊन औरंगाबाद जिल्ह्यामधील पहिला दस्त कार्यालय क्रमांक २ येथे नोंदणी करण्यात आला. त्याबद्दल संबंधित महिलांचा सत्कार करण्यात आला. औरंगाबाद शहरातील हर्सुल येथे प्लॉट नंबर ४४ मध्ये सुनीता विजय भोसले व हिराबाई विष्णू भोसले यांच्या नावाने नवीन राहते घर विकत घेण्यात आले. विशेषतः हे घर दोन्ही महिलांच्या नावाने विकत घेतले. यावेळी मुद्रांक उपनियंत्रक सोहम वायाळ व इतर कर्मचारी हजर होते. १ एप्रिलपासून जाहीर केलेल्या या सवलतीचा नागरिकांनी लाभ घ्यावा, असे आवाहन सोहम वायाळ यांनी केले आहे.

-------------------------------------------------------------

फोटो

घर खरेदी करणाऱ्या सुनीता भोसले, हिराबाई भोसले, नोंदणी अधिकारी कविता कदम यांचे स्वागत करताना मुद्रांक उपनियंत्रक सोहम वायाळ.