सव्वातीन लाखांच्या दुचाकी जप्त

दुचाकींची चोरी करून विकणाºया दोन संशयितांना विशेष कृती दलाच्या पथकाने ताब्यात घेतले असून, त्यांच्याकडून तीन लाख ३० हजार रुपये किमतीच्या तेरा दुचाकी जप्त केल्या आहेत

लोकमत न्यूज नेटवर्क
जालना : दुचाकींची चोरी करून विकणाºया दोन संशयितांना विशेष कृती दलाच्या पथकाने ताब्यात घेतले असून, त्यांच्याकडून तीन लाख ३० हजार रुपये किमतीच्या तेरा दुचाकी जप्त केल्या आहेत. सोमवारी ही कारवाई करण्यात आली.
या प्रकरणी पोलिसांनी ताब्यात घेतलेल्या संशयितांची नावे लखन नारायण आढे व विलास उर्फ पिन्या गुणाजी आढे (रा. परतवाडी तांडा. ता. परतूर, जि. जालना) अशी आहेत. जालना शहर व जिल्ह्यातील विविध ठिकाणांहून दोघेही दुचाकींची चोरी करत असल्याची गुप्त माहिती विशेष कृती दलाचे पोलीस निरीक्षक यशवंत जाधव यांना मिळाली होती. त्यानुसार कृती दलाच्या पथकाने परतवाडी तांड्याहून दोघांना ताब्यात घेतले.
चौकशीत त्यांनी जालना शहर, आष्टी तसेच अन्य ठिकाणांहून दुचाकी चोरल्याची कबुली दिली. तसेच अन्य दोघांनी चोरलेल्या दुचाकी विक्री करण्याच्या उद्देशाने घेतल्याचे सांगितले. या प्रकरणात सहभागी असणा-या इतरांचा पोलीस शोध घेत आहेत.
यापूर्वी चोरीच्या दुचाकी कुणाला विक्री केल्या, याचाही तपास पोलीस करीत आहेत. पोलीस अधीक्षक रामनाथ पोकळे, अप्पर पोलीस अधीक्षक लता फड, गुन्हे शाखेचे पोलीस निरीक्षक राजेंद्रसिंह गौर, विशेष कृती दलाचे पोलीस निरीक्षक यशवंत जाधव , एम. बी. स्कॉट, रामप्रसांद रंगे, संदीप चिंचोले, राजू पवार, कृष्णा देठे, संदीप भोसले, भालचंद्र गिरी, अनिल राठोड यांनी ही कारवाई केली.