सिंगल न्यूज आरोग्य विभाग

औरंगाबाद : जिल्हा रुग्णालयात भिंतींना लावलेल्या फरशा जागोजागी उखडल्या आहेत. एक फरशी निघाल्याने दुसरी फरशी निघण्याचा प्रकार होत आहे. मात्र, देखभाल दुरुस्तीकडे संबंधितांचे दुर्लक्ष होत आहे. याकडे रुग्णालय प्रशासनाने लक्ष देण्याची मागणी होत आहे.

गतिरोधकांची उंची कमी करा

औरंगाबाद : मुकुंदवाडी ते चिकलठाणा रस्त्यावर जागोजागी गतिरोधक बसविण्यात आले आहेत. या गतिरोधकांची उंची अधिक आहे. त्याचा वाहनचालकांना प्रचंड त्रास सहन करावा लागत आहे. त्यामुळे त्यांची उंची कमी करण्याची मागणी होत आहे.

वैद्यकीय तपासणीसाठी रुग्णालयात गर्दी

औरंगाबाद : मनपाने कायमस्वरूपी केलेल्या कर्मचाऱ्यांची जिल्हा रुग्णालयात वैद्यकीय तपासणी केली जात आहे. कर्मचाऱ्यांची मंगळवारी गर्दी केली होती. ६०० लोकांची तपासणी केली जाणार असल्याचे जिल्हा रुग्णालयाने सांगितले.

विमानतळासमोरील फुटपाथची दुरवस्था

औरंगाबाद : विमानतळासमोरील फुटपाथची सध्या दुरवस्था झाली आहे. फुटपाथवर गवत उगवले असून, जागोजागी मोडतोड झालेली आहे. फुटपाथची दुरुस्ती करण्याची मागणी होत आहे.

दुभाजकातील लोखंडी जाळ्यांच्या धोका

औरंगाबाद : विमानतळासमोरील दुभाजकातील लोखंडी जाळ्या रस्त्यावर पडून आहेत. त्यामुळे अपघाताचा धोका निर्माण होत आहे. या लोखंडी जाळ्या हटविण्याची मागणी वाहनचालकांकडून होत आहे.