छत्रपती संभाजीनगर : नागपूर ते गोवा शक्तिपीठ द्रुतगती महामार्ग उभारणीसाठी मराठवाड्यात संयुक्त मोजणीचा नारळ लातूरमधून शुक्रवारी फुटला. लातूर येथील शेतकऱ्यांनी संयुक्त मोजणीच्या प्रक्रियेत सहभाग दर्शविल्याने भूसंपादन प्रक्रियेला आगामी काळात वेग येईल. त्या जिल्ह्यातून शक्तिपीठ महामार्गाची ४३.१७ किमी लांबी असेल. लातूर, रेणापूर, औसा या तालुक्यांतील २२ गावांमधून हा मार्ग जात आहे.
लातूर तालुक्यातील १३ गावांत २६ किमी लांबीचा भाग जाणार आहे. यासाठी २७५ हेक्टर भूसंपादन करावे लागणार आहे. या महामार्गाचे फायदे शेतकऱ्यांना उपविभागीय अधिकारी रोहिणी नऱ्हे, अविनाश कोरडे यांनी सांगितले. गातेगाव येथील शेतकरी व्यंकटेश ढोणे, चिंचोली येथील शेतकरी अजय बनसोडे आदी शेतकरी मोजणी दरम्यान उपस्थित होते. राज्यातील १२ जिल्ह्यांच्या ३९ तालुक्यांतील ३७१ गावांतून शक्तिपीठ मार्ग जाणार आहे. १२ हजार ६०७ गटांतील ८ हजार ६१५ हेक्टर भूसंपादन या मार्गासाठी करावे लागणार असून, सर्वाधिक सोलापूर जिल्ह्यातील जमीन या मार्गासाठी जाणार आहे. पाच प्रशासकीय विभागांतून जाणारा हा मार्ग १८ देवस्थानांना जोडणार आहे. भूसंपादन प्रक्रियेला काही जिल्ह्यांत सुरुवात झाली आहे. ३६ किमी वनक्षेत्रातून हा मार्ग प्रस्तावित आहे. २६ इंटरचेंजेस या मार्गावर असणार आहेत. मराठवाड्यात नांदेड ३७ कि.मी., हिंगोली ४३.१७, परभणी ६६, बीड ३८, लातूर ४३, धाराशिव ४५ कि.मी. भूसंपादन करावे लागणार आहे.
८६ हजार कोटींचा खर्चया प्रकल्पाला भूसंपादनाच्या ११ हजार ७३२ कोटींसह ८६ हजार ३५८ कोटी रुपयांचा खर्च अपेक्षित आहे. हा मार्ग सहा पदरी असणार आहे. मार्गावर ११ रेल्वे ब्रिज व २६४ पूल बांधण्यात येणार आहेत. २१ बोगदे प्रस्तावित असून, ५ किमी लांबीचा बोगदा या मार्गावर बांधण्यात येणार आहे.
मराठवाड्यातील भूसंपादन किती?जिल्हा...........तालुका.........गावे.......गटसंख्या..........भूसंपादन हेक्टरमध्येनांदेड.......२...................२२...............४४१......३८७.२६ हेक्टरहिंगोली....२................२४.................४३६.........४३०.५२ हेक्टरपरभणी......३...............३१.................७०८.......७४२.८० हेक्टरबीड...........२............१४.................५१८..........४११.७७ हेक्टरलातूर........३...........२२...................५१२.........४१४.९४ हेक्टरधाराशिव.......२..............१९............६५५...............४६१.०६ हेक्टर
Web Summary : Joint measurement for the Nagpur-Goa Shaktipeeth Highway has commenced in Marathwada, starting in Latur. The highway will traverse 12 districts, impacting 371 villages. The project requires significant land acquisition and involves a substantial investment of ₹86,000 crore. It includes bridges, tunnels and aims to boost connectivity to various pilgrimage destinations.
Web Summary : नागपुर-गोवा शक्तिपीठ राजमार्ग के लिए मराठवाड़ा में संयुक्त मापन लातूर से शुरू हो गया है। यह राजमार्ग 12 जिलों से होकर गुजरेगा, जिससे 371 गाँव प्रभावित होंगे। इस परियोजना के लिए भूमि अधिग्रहण और ₹86,000 करोड़ का निवेश शामिल है। इसमें पुल, सुरंगें शामिल हैं और इसका उद्देश्य विभिन्न तीर्थ स्थलों के लिए कनेक्टिविटी को बढ़ावा देना है।