Latest Chhatrapati Sambhajinagar News | Chhatrapati Sambhajinagar Marathi News | Latest Chhatrapati Sambhajinagar News in Marathi | छत्रपती संभाजीनगर: ताज्या मराठी बातम्या

छत्रपती संभाजीनगर: "ज्या नेत्यांना नगरपालिकेत प्रचारासाठी फिरायला वेळ नव्हता, त्यांचा जीव आज मुंबईत का अडकला आहे? कारण मुंबई महानगरपालिका म्हणजे यांच्यासाठी सोन्याची अंडी देणारी कोंबडी आहे. केवळ टक्केवारीच्या स्वार्थासाठी आणि मजबुरीतून ही युती झाली आहे," अशा शब्दांत शिंदेसेनेचे प्रवक्ते आमदार संजय शिरसाट यांनी ठाकरे बंधूंवर जोरदार हल्लाबोल केला. छत्रपती संभाजीनगरमध्ये आयोजित पत्रकार परिषदेत ते बोलत होते.संभाजीनगरमध्ये युतीचा पेच कायम? स्थानिक पातळीवर भाजप आणि शिंदे सेना यांच्यातील युतीबाबत बोलताना शिरसाट यांनी नाराजी व्यक्त केली. "उपमुख्यमंत्री शिंदेंनी महायुतीचे स्पष्ट आदेश दिले आहेत, मात्र छत्रपती संभाजीनगरमधील काही लोकांना युती नको आहे असे दिसते. चार बैठका होऊनही काहींनी अवास्तव मागण्या केल्या आहेत. आज आम्ही अतुल सावे यांची भेट घेऊन अंतिम चर्चा करू, अन्यथा वरिष्ठ पातळीवरून हा निर्णय घेतला जाईल. आम्हाला भांडण उकरून काढायचे नाही, म्हणूनच आम्ही आजवर शांत आहोत," असे त्यांनी स्पष्ट केले.खैरे आणि दानवेंवर टीकास्त्रसंजय शिरसाट यांनी अंबादास दानवे आणि चंद्रकांत खैरे यांचा समाचार घेताना अत्यंत तिखट शब्द वापरले. "ज्या हिंदुत्वाच्या मुद्द्यावर शिवसेना उभी राहिली, त्याच पक्षात आता कुणाला तरी जपण्यासाठी 'मामू' होण्याची वेळ आली आहे. अनेकजण आज उबाठा सोडण्याच्या तयारीत आहेत. अंबादास दानवे ज्या एमआयएमच्या मतांवर बोलत आहेत, त्यांनी विचार करावा की अब्दुल सत्तार जेव्हा धनुष्यबाणासाठी लढले, तेव्हा तुमची भूमिका काय होती? आता तुमच्या डब्याला कुलूप लावण्याची वेळ आली आहे," असे शिरसाट म्हणाले.उद्धव ठाकरेंची गल्लीत सभा घेण्याची वेळ! मैदान बुकिंग आणि सभांच्या मुद्द्यावरूनही त्यांनी उद्धव ठाकरेंना टोला लगावला. "मैदानं बुक करून तिथे लोकं तरी आणा. आता गल्लीत सभा घेण्याची वेळ तुमच्यावर आली आहे. आम्ही काय करायचं हे आम्हाला चांगलं कळतं, म्हणूनच आमचा पक्ष पुढे चाललाय. तुमचा डबा रुळावरून घसरला असून आता फक्त काठावर बसून पाहण्याशिवाय तुमच्याकडे पर्याय उरलेला नाही," अशी टीका त्यांनी यावेळी केली.

Chhatrapati Sambhajinagar (Marathi News)

महायुतीचं 'सस्पेन्स' वाढलं! भाजप कोअर कमिटीचा ४ तास काथ्याकुट; आज शिंदेसेनेसोबत होणार आरपारची चर्चा ...

कितीही वय असले तरी ज्येष्ठांना मतदान केंद्रांवर जावेच लागणार ...

पक्ष स्थापनेपासून सोबत असणाऱ्या सुमित खांबेकरांचा मनसेला 'जय महाराष्ट्र' ...

छत्रपती संभाजीनगर ते अहिल्यानगर महामार्गाच्या "दयनीय" स्थितीबाबत खंडपीठाने मागितले स्पष्टीकरण ...

आता आणखी एक दिवस उशिराने होणार पाणीपुरवठा ...

महायुती तोडण्यासाठी शिंदेसेनेकडून गडबड : भाजप; भाजपमधील काही नेते आततायीपणा करीत आहे : शिंदेसेना ...

काँग्रेस, वंचित बहुजन आघाडी आणि उद्धवसेनेचे १८ प्रभागांतील जागांबाबत ठरले ...

22 व्या वर्षी एमपीएससी.. सोडून झाली नगरसेविका.. | कमी वयाची नगरसेविका | Paithan ...

स्वतःला मोठा पक्ष म्हणवणारे भाजप आज इतर पक्षांच्या कार्यकर्त्यांना प्रलोभने देऊन पळवत आहे ...

ज्यांचा जीव फक्त 'टक्केवारी'त अडकलाय, त्यांना जनतेची काय काळजी? ...