Latest Chhatrapati Sambhajinagar News | Chhatrapati Sambhajinagar Marathi News | Latest Chhatrapati Sambhajinagar News in Marathi | छत्रपती संभाजीनगर: ताज्या मराठी बातम्या

छत्रपती संभाजीनगर : दुसऱ्यासोबत प्रेमप्रकरण सुरू असल्याच्या संशयावरून प्रेयसीचा गळा आवळून खून करणारा प्रियकर तथा आरोपी भोलाकुमार कुंजल मास्टर कुमार (२८, रा. गोरखपूर, उत्तरप्रदेश ह.मु. स्वराजनगर, मुकुंदवाडी) याला सत्र न्यायाधीश आर. डी. खेडेकर यांनी सोमवारी (दि.१९ जानेवारी) जन्मठेप आणि १० हजार रुपये दंड ठोठावला.घटनेची पार्श्वभूमीराहुल बरखू राय (२०, रा. मुकुंदवाडी) याने दिलेल्या फिर्यादीनुसार, राहुल कुटुंबासह मुकुंदवाडीतील स्वराजनगर येथे राहतो. आरोपी भोलाकुमार देखील त्यांच्यासोबत राहत होता. घटनेतील मृत महिला आणि भोलाकुमार यांचे प्रेमप्रकरण होते. परंतु सदर महिलेचे दुसऱ्यासोबत प्रेमप्रकरण सुरू असल्याचा भोलाकुमारला संशय होता. यावरून महिला व भोलाकुमार यांच्यात वाद झाला होता. वादानंतर भोलाकुमारने तिचा मोबाइल जाळला होता. या प्रेमप्रकरणाची कुणकुण लागताच राहुलचा मोठा भाऊ सुनील याने भोलाकुमार याला दुसरीकडे रुम बघण्यास सांगितले होते. त्यानुसार भोलाकुमार स्वराजनगर येथे किरायाने राहण्यासाठी गेला होता.प्रेयसीने सोडल्याच्या रागातून खूनप्रेयसीने आपल्याला सोडल्याचा राग भोलाकुमारच्या मनात होता. त्याने ८ नोव्हेंबर रोजी सायंकाळी ७ वाजेच्या सुमारास प्रेयसीला मारहाण केली. त्यानंतर ओढणीने गळा आवळून तिचा खून केला व मृतदेह गुंडाळून मैदानात आणून टाकला. सदर महिला घरी आली नाही म्हणून आरोपी फिर्यादीसोबत तिला शोधण्यासाठी फिरला. दुसऱ्या दिवशी पहाटे दूध घेऊन जात असलेल्या महिलेला तिचा मृतदेह आढळला होता. याबाबत मुकुंदवाडी पोलिस ठाण्यात गुन्हा दाखल करण्यात आला होता.खटल्याची सुनावणी व शिक्षाखटल्याच्या सुनावणीवेळी सहायक सरकारी लोकअभियोक्ता अरविंद बागुल यांनी ११ साक्षीदारांचे जबाब नोंदविले. त्यातील ३ जणांची साक्ष महत्त्वाची ठरली. सुनावणीअंती न्यायालयाने भादंवि कलम ३०२ अन्वये आरोपीला वरीलप्रमाणे शिक्षा व दंड ठोठावला. दंड न भरल्यास त्याला अतिरिक्त ३ महिन्यांची सक्तमजुरीची शिक्षा भोगावी लागेल, असे आदेशात म्हटले आहे.

Chhatrapati Sambhajinagar (Marathi News)

छत्रपती संभाजीनगरचे माणिकचंद पहाडे लॉ कॉलेज ते कॅनडाचे न्यायालय; बॅ. अर्चना मेढेकरांचा थक्क करणारा प्रवास. ...

'दोनपेक्षा अधिक अपत्ये' असल्याच्या तक्रारींमुळे नवनिर्वाचित नगरसेवक धास्तावले ...

गोळीबाराच्या घटनेनंतरही शहरात पिस्तूल विक्रीसाठी जालन्यावरून तस्कर शहरात, एटीसी सेलकडून संबंधितांना अटक ...

छत्रपती संभाजीनगर जि.प.च्या ५२ जागांवर भाजप-शिंदेसेनेची महायुती, सिल्लोडमध्ये आमने-सामने ...

राजकीय वैमनस्य नव्हतं, तर कारण काही वेगळंच!; 'दृश्यम','क्राइम पेट्रोल' पाहून माय-लेकाने रचला खुनाचा कट ...

मुकुंदवाडीतील त्या भीषण हत्याकांडाचा निकाल; दुसऱ्यासोबत प्रेमप्रकरण सुरू असल्याच्या संशयावरून केला होता खून ...