Latest Chhatrapati Sambhajinagar News | Chhatrapati Sambhajinagar Marathi News | Latest Chhatrapati Sambhajinagar News in Marathi | छत्रपती संभाजीनगर: ताज्या मराठी बातम्या

छत्रपती संभाजीनगर : शिंदेसेनेचे प्रमुख उपमुख्यमंत्री एकनाथ शिंदे यांनी उपमहापौरपदी राजेंद्र जंजाळ यांची निवड करण्याचे आदेश दिले. मात्र ही निवड करताना जिल्ह्याचे पालकमंत्री संजय शिरसाट यांना अंधारात ठेवण्यात आल्याने ते नाराज झाले. यातून त्यांनी त्यांच्या बंगल्यावर त्यांच्या गटाच्या ९ नगरसेवकांची बैठक घेतली. दुसरीकडे भाजप कार्यालयात आयोजित पत्रकार परिषदेकडेही पालकमंत्र्यांनी पाठ फिरवली.महापालिका निवडणुकीत भाजपने महापौरपद स्वत:कडे तर उपमहापौरपद शिंदेसेनेला देण्याचा निर्णय घेतला. महापालिका निवडणुकीत शिंदेसेनेने १३ जागा जिंकल्या आहेत. मात्र या नवनिर्वाचित नगरसेवकांमध्ये दोन गट पडले आहेत. पालकमंत्री संजय शिरसाट यांच्या गटाकडे ९ नगरसेवक तर आ. जैस्वाल, जिल्हाप्रमुख राजेंद्र जंजाळ यांच्या गटात ४ नगरसेवक आहेत. शिरसाट यांना उपमहापौरपद आपल्या गटातील माजी महापौर त्र्यंबक तुपे यांना द्यायचे होते. यासाठी त्यांनी प्रयत्नही केले. पक्षाचे प्रमुख उपमुख्यमंत्री एकनाथ शिंदे यांनी पक्षाचे जिल्हाप्रमुख राजेंद्र जंजाळ यांची उपमहापौरपदी निवड करण्याचे आदेश दिले. जंजाळ यांची निवड करुन उपमुख्यमंत्री शिंदे यांनी पालकमंत्री संजय शिरसाट यांना एक प्रकारे धक्काच दिला. जंजाळ यांच्या निवडीचे पत्र घेऊन पक्षाचे सहसंपर्कप्रमुख विलास पारकर हे सकाळीच छत्रपती संभाजीनगरात दाखल झाले. पारकर यांनी हे पत्र भाजपचे शहराध्यक्ष किशोर शितोळे यांना दिले. आपल्याला अंधारात ठेवत पक्षांतर्गत विरोधक राजेंद्र जंजाळ यांना उपमहापौरपद दिल्याने पालकमंत्री शिरसाट नाराज झाले. या नाराजीतून त्यांनी त्यांच्या बंगल्यावर ९ नगरसेवकांची बैठक बोलावली. भाजप कार्यालयात महापौर आणि उपमहापौर उमेदवारांची नावे घोषित करण्यासाठी पत्रकार परिषदेेचे आयोजन करण्यात आले होते. या पत्रकार परिषदेकडे पालकमंत्री व त्यांच्या गटातील नगरसेवकांनी पाठ फिरवली. शिंदेसेनेकडून केवळ आ. प्रदीप जैस्वाल, संपर्कप्रमुख पारकर आणि राजेंद्र जंजाळ आणि त्यांच्या गटाचे नगरसेवक उपस्थित होते.पक्षाच्या आदेशाचे पालनपक्षाचे नवनिर्वाचित नगरसेवक आमच्याकडे आले होते. बैठक घेऊन त्यांची नाराजी दूर केली. पक्षाच्या आदेशाचे पालन करण्याचे निर्देश दिले. उपमहापौर, महापौर पदासाठी १० फेब्रुवारी रोजी निवडणूक होणार आहे. केवळ उमेदवारी अर्ज भरायचे, म्हणून मी पत्रकार परिषदेकडे गेलो नाही.- संजय शिरसाट, पालकमंत्री.

Chhatrapati Sambhajinagar (Marathi News)

चार मुलांनी मैदानावर केलं भयंकर कृत्य; पीडित बालकाच्या वडिलांचा खळबळजनक आरोप. ...

महायुतीने छत्रपती संभाजीनगर जिल्हा परिषद खिशात घातली; मविआचा सुपडा साफ ...

दिग्गज नेत्यांच्या वारसांनी राखलं वर्चस्व, छत्रपती संभाजीनगरमध्ये युवा वारसांची सरशी. ...

असे अभिवादन कधी पाहिले नसेल! 'रमाई पहाट'मध्ये पारंपरिक वाद्ये आणि आधुनिकतेचा संगम ...

आमदाराच्या मुलानेही दाबलं EVM चं बटण? पाचोडमधील व्हिडिओ व्हायरल होताच खळबळ.;जिल्हाधिकाऱ्यांकडून चौकशीचे आदेश ...

शिरसाटांना अंधारात ठेवून एकनाथ शिंदे यांनी केले राजेंद्र जंजाळांचे नाव निश्चित ...