Latest Chhatrapati Sambhajinagar News | Chhatrapati Sambhajinagar Marathi News | Latest Chhatrapati Sambhajinagar News in Marathi | छत्रपती संभाजीनगर: ताज्या मराठी बातम्या

छत्रपती संभाजीनगर : चिकलठाणा परिसरातील युनिव्हर्सल हायस्कूलमधून दहावीची परीक्षा उतीर्ण नऊ विद्यार्थ्यांचे ट्रान्सफर सर्टिफिकेट (दाखला) शाळा प्रशासन देत नसल्याचा धक्कादायक प्रकार उघडकीस आला आहे. या विद्यार्थ्यांसह पालक शाळेच्या धाेरणामुळे हवालदिल झाले असून, माध्यमिकच्या शिक्षणाधिकाऱ्यांकडे धाव घेतली आहे. माध्यमिकच्या शिक्षणाधिकाऱ्यांनी शाळेच्या मुख्याध्यापकांना पत्र पाठवून विद्यार्थ्यांना टीसी देण्याच्या सूचना केल्या. मात्र, शाळा प्रशासनाने शिक्षणाधिकाऱ्यांच्या सूचनांकडेही दुर्लक्ष केले आहे.विद्यार्थ्यांच्या पालकांनी शिक्षणाधिकाऱ्यांना दिलेल्या निवेदनानुसार या हायस्कूलच्या शुल्काविरोधात पालकांनी न्यायालयात धाव घेतली होती. न्यायालयाच्या आदेशानुसार संबंधित पालकांनी २०२०-२१ आणि २०२१-२२ या वर्षातील ६० हजार रुपये शुल्क शाळेला भरलेले आहे. त्याशिवाय शाळेचे शुल्क हे जिल्हा शुल्क नियामक समितीने ठरवावे, असेही आदेशात म्हटलेले आहे. जिल्हा शुल्क नियामक समितीने आणखी शुल्क भरण्यास सांगितल्यास ते सुद्धा देण्याची तयारी पालकांनी दाखवलेली आहे. याविषयी न्यायालयाच्या आदेशाला मुंबई उच्च न्यायालयाच्या औरंगाबाद खंडपीठात स्थगिती देण्यात आलेली आहे. त्यामुळे शाळा प्रशासन विद्यार्थ्यांना दहावीचे हॉलतिकीट देताना आणि आता टीसी देताना छळ करीत असल्याचेही निवेदनात म्हटले आहे. अकरावीच्या ऑनलाइन प्रवेशप्रक्रियेला सुरुवात झालेली आहे. त्यामुळे विद्यार्थ्यांना टीसी आवश्यक असून, देण्याची मागणी केली आहे. याविषयी शाळा व्यवस्थापनाशी संपर्क साधला असता, माहिती घेऊन प्रतिक्रिया कळवितो, असे सांगण्यात आले. त्यानंतर संपर्क साधला असता प्रतिसाद मिळाला नाही.शिक्षणाधिकाऱ्यांचे मुख्याध्यापकांना पत्रमाध्यमिकच्या शिक्षणाधिकारी अश्विनी लाठकर यांना नऊ पालकांनी निवेदन दिल्यानंतर त्यांनी शाळेच्या मुख्याध्यापिकेला प्रत्येक विद्यार्थ्यांच्या नावानिशी पत्र पाठवून संबंधितांस टीसी देण्याच्या सूचना दिल्या आहेत. मात्र, शाळेच्या प्रशासनाने शिक्षणाधिकाऱ्यांच्या सूचनांकडे पूर्णपणे दुर्लक्ष केले आहे.

Chhatrapati Sambhajinagar (Marathi News)

जवाहरनगर पोलिसांवर पीडितेचा गंभीर आरोप; महिलांबाबत निष्काळजीपणाचा दुसऱ्यांदा प्रकार समोर ...

मराठवाड्यातील सर्वच जिल्ह्यांमध्ये पाऊस होत आहे. ...

१५ मे रोजी लड्डा यांच्या घरावर पडलेल्या दरोड्याविषयी रोज नवे धक्कादायक खुलासे होत आहेत. ...

कर्जाच्या ओझ्याखाली शेतकरी; पेरणीसाठी पैसे नाहीत; शेतकऱ्याने तहसीलदारांकडे मागितली आत्महत्येची परवानगी ...

सीसीटीव्ही कॅमेऱ्यात घटना कैद ...

मालमत्ता कर दोन ते तीन वेळेस लावणे, घराला व्यावसायिक कर अशा हजारो तक्रारी वॉर्ड कार्यालयांकडे येतात. ...

६९८ दुकानांचे होणार स्ट्रक्चरल ऑडिट, अडत व्यापारी आक्रमक; सभापती व व्यापाऱ्यांची सोमवारची बैठक गाजणार ...

जुन्या वादाचे पर्यवसन युवकाच्या खूनात; शेकडो नागरिकांची पोलिस ठाण्यात धाव ...

कोराेना काळातील शुल्क बाकी असल्याचा शाळेचा दावा ...