नवे विशेष महानिरीक्षक अजित पाटील घेणार मंगळवारी पदभार

 

औरंगाबाद : औरंगाबाद परिक्षेत्राच्या विशेष पोलीस महानिरीक्षकपदी अजित व्ही. पाटील यांची नियुक्ती झाली आहे. मंगळवारी पदभार स्वीकारणार असल्याचे पाटील यांनी ‘लोकमत’शी बोलताना सांगितले. पाटील हे पुणे येथे राज्य गुन्हे अन्वेषण विभागात (सीआयडी) पोलीस महासंचालक (आर्थिक गुन्हे) या पदावर कार्यरत होते. औरंगाबाद परिक्षेत्राचे विशेष महानिरीक्षक विश्वास नांगरे पाटील यांची कोल्हापूर परिक्षेत्र महानिरीक्षकपदी बदली झाल्याने (पान १ वरून) त्यांच्या रिक्त पदावर पाटील यांची बढतीवर बदली झाली आहे. १९९८ या वर्षीच्या आयपीएस तुकडीचे पाटील हे अधिकारी आहेत. विशेष महानिरीक्षक पाटील यांनी अमरावती येथे पोलीस आयुक्तपदी कार्यरत असताना उल्लेखनीय कार्य केलेले आहे. विशेषत: वाहतुकीला शिस्त लावली आणि गुन्हा घडल्यानंतर घटनास्थळी ते जातीने उपस्थित राहत. शिवाय जनतेशी थेट संवाद साधणे, पोलीस आणि जनता यांच्यातील दरी कमी करण्यासाठी त्यांनी विविध उपक्रम राबविले होते. दोन ते तीन दिवसांत औरंगाबाद परिक्षेत्राच्या कार्यालयात आपण रुजू होणार असल्याचे पाटील यांनी लोकमतशी भ्रमणध्वनीवरून बोलताना सांगितले. त्यांच्या रिक्त पदावर पाटील यांची बढतीवर बदली झाली आहे. १९९८ या वर्षीच्या आयपीएस तुकडीचे पाटील हे अधिकारी आहेत. विशेष महानिरीक्षक पाटील यांनी अमरावती येथे पोलीस आयुक्तपदी कार्यरत असताना उल्लेखनीय कार्य केलेले आहे. विशेषत: वाहतुकीला शिस्त लावली आणि गुन्हा घडल्यानंतर घटनास्थळी ते जातीने उपस्थित राहत. शिवाय जनतेशी थेट संवाद साधणे, पोलीस आणि जनता यांच्यातील दरी कमी करण्यासाठी त्यांनी विविध उपक्रम राबविले होते. दोन ते तीन दिवसांत औरंगाबाद परिक्षेत्राच्या कार्यालयात आपण रुजू होणार असल्याचे पाटील यांनी लोकमतशी भ्रमणध्वनीवरून बोलताना सांगितले.