महिला पोलिसाला ७५ वेळा फोन करणारा विकृत जेरबंद

शहर पोलीस नियंत्रण कक्षाच्या १०० क्रमांकावर एकदा नव्हे तर तब्बल ७५ ते ८० वेळा कॉल करून महिला पोलीस कर्मचाºयाला शिवीगाळ करून अश्लील बोलणाºया विकृतास शहर गुन्हे शाखेच्या पथकाने पैठण तालुक्यातील रहाटगाव येथून पकडून आणले.

लोकमत न्यूज नेटवर्क
औरंगाबाद : शहर पोलीस नियंत्रण कक्षाच्या १०० क्रमांकावर एकदा नव्हे तर तब्बल ७५ ते ८० वेळा कॉल करून महिला पोलीस कर्मचाºयाला शिवीगाळ करून अश्लील बोलणाºया विकृतास शहर गुन्हे शाखेच्या पथकाने पैठण तालुक्यातील रहाटगाव येथून पकडून आणले. गुरुवारी (दि़ ७) दुपारी पावणेबारा ते पाचदरम्यान आरोपी हा रहाटगाव येथील शेतातून शहर पोलिसांच्या नियंत्रण कक्षातील महिला पोलिसांना फोन करायचा.
छगनदेव कारभारी डोईफोडे (२१, रा़ रहाटगाव) असे आरोपीचे नाव आहे़ अडचणीत सापडलेल्या नागरिकांच्या सेवेसाठी शहर पोलिसांचा नियंत्रण कक्ष रात्रंदिवस सुरू असतो. नियंत्रण कक्षाच्या १०० हा टोल फ्री नंबर आहे. यासोबतच २२४० ५०० हासुद्धा पोलीस नियंत्रण क क्षाचा क्रमांक आहे. जनतेला तातडीने मदत मिळावी, त्यांच्याशी सुसंवाद साधण्यासाठी विशेष प्रशिक्षण घेतलेल्या महिला पोलीस आणि कर्मचारी तेथे रात्रंदिवस कर्तव्य बजावत असतात. गुरुवारी दुपारी ११.४५ वाजेच्या सुमारास शहर पोलीस आयुक्तालयातील नियंत्रण कक्षाच्या १०० नंबरवर एका अनोळखी मोबाइल क्रमांकावर कॉल आला. तेथे कर्तव्यावर असलेल्या महिला पोलीस कर्मचाºयाने हा फोन उचलला. तेव्हा फोन करणारा व्यक्ती त्याचे नाव सांगत नव्हता. उलट तो महिला पोलीस कर्मचारी यांच्याशीच अश्लील बोलत होता. तो दारू पिलेला असावा म्हणून महिला कर्मचाºयांनी त्याच्याकडे दुर्लक्ष करून फोन ठेवून दिला. यानंतर त्या व्यक्तीकडून एकानंतर एक सारखे फोन येऊ लागले आणि तो महिला पोलिसांना घाणेरड्या भाषेत बोलू लागला. पोलिसांनी त्यास समजावून सांगितले. प्रसंगी आम्ही पोलीस असून तुला पकडू, जेलमध्ये डांबू असे धमकावलेही, मात्र त्याचा कोणताही परिणाम त्याच्यावर झाला नाही. एकदा नव्हे तर तब्बल ७५ ते ८० वेळा त्याने पोलीस नियंत्रण कक्षाला फोन केले. यामुळे वैतागलेल्या महिला कर्मचाºयाने हा प्रकार पोेलीस उपायुक्त डॉ़ दीपाली घाटे- घाडगे यांना सांगीतला. घाडगे यांनी गुन्हे शाखेचे पोलीस निरीक्षक मधुकर सावंत यांना बोलावून आरोपीला हजर करण्याचे आदेश दिले.