सिल्लोड (छत्रपती संभाजीनगर): संपूर्ण जिल्ह्याचे लक्ष लागलेल्या सिल्लोड पंचायत समितीवर अखेर भारतीय जनता पक्षाने आपला झेंडा फडकवला आहे. भाजपचे प्रदेश सचिव सुरेश बनकर यांच्या पत्नी अनिता सुरेश बनकर यांची सभापती पदी, तर भगवान शेनफड आहेर यांची उपसभापती पदी निवड झाली आहे. या निवडणुकीत भाजपने १० विरुद्ध ८ मतांच्या फरकाने शिंदेसेनेच्या उमेदवारांचा पराभव केला.
अटीतटीची लढत आणि मतदान प्रक्रियामंगळवारी सकाळी ११:४५ वाजता सभापती पदासाठी भाजपच्या वतीने अनिता बनकर आणि शिंदेसेनेच्या वतीने सुरेखा शिंदे यांनी अर्ज दाखल केले होते. उपसभापती पदासाठी भाजपचे भगवान आहेर आणि शिंदेसेनेचे निजामखा पठाण रिंगणात होते. दुपारी २ वाजता विशेष सभेला सुरुवात झाली. १८ सदस्यांच्या उपस्थितीत हात उंचावून मतदान घेण्यात आले, ज्यामध्ये भाजपच्या दोन्ही उमेदवारांना १० मते मिळाली, तर शिंदेसेनेच्या उमेदवारांना ८ मतांवर समाधान मानावे लागले.
भाजपचा जल्लोष आणि मिरवणूकनिवडणूक अधिकारी निलेश अपार यांनी दुपारी ३ वाजता अधिकृत विजयाची घोषणा केली. त्यानंतर भाजप कार्यकर्त्यांनी पंचायत समिती परिसरात फटाके फोडून आणि गुलालाची उधळण करत मोठा जल्लोष केला. नवनिर्वाचित सभापती आणि उपसभापतींची विजयी मिरवणूक काढण्यात आली. या निकालामुळे सिल्लोडच्या स्थानिक राजकारणात भाजपची ताकद पुन्हा एकदा अधोरेखित झाली आहे.
Web Summary : In Sillod, BJP's Anita Bankar became Panchayat Samiti chairperson, defeating Shinde Sena. BJP secured 10 votes against Shinde Sena's 8. Celebrations erupted as BJP reinforced its local political strength.
Web Summary : सिल्लोड में, भाजपा की अनीता बनकर पंचायत समिति की अध्यक्ष बनीं, शिंदे सेना को हराया। भाजपा को 10 वोट मिले जबकि शिंदे सेना को 8। भाजपा ने अपनी स्थानीय राजनीतिक ताकत को मजबूत किया।