खुलताबाद (औरंगाबाद ) : खुलताबाद - फुलंब्री मार्गावर भडजी येथील महिलेचा अज्ञात वाहनाच्या धडकेत जागीच मृत्यू झाला.
तालुक्यातील भडजी येथील रहिवासी पदमाबाई बाबासाहेब वाकळे (42 ) या बुधवारी (दि.३० ) रात्री दहा वाजता खुलताबाद - फुलंब्री मार्गावरील एका शाळेचे वार्षिक स्नेहसंमेलन बघण्यासाठी जात होत्या. यावेळी अज्ञात वाहनाने धडक दिल्याने त्यांचा जागीच मृत्यू झाला. त्यांच्या पश्चात पती, दोन मुली, एक मुलगा असा परिवार आहे. या अपघात प्रकरणी खुलताबाद पोलीस ठाण्यात नोंद झाला असून पोलीस अधिक तपास करत आहेत.