छत्रपती संभाजीनगर: अमेरिकेतील नागरिकांना कर चुकविल्याची भीती दाखवून ऑनलाइन फसवणूक करणाऱ्या आंतरराष्ट्रीय कॉल सेंटरचा पोलिसांनी पर्दाफाश केला.
सोमवारी मध्यरात्री १:२० मिनिटांनी बनावट कॉल सेंटरवर छापा टाकून गुजरात, पश्चिम बंगाल आणि ईशान्येकडील राज्यांतील ११६ आरोपींना पोलिसांनी अटक केली.
यात एका अल्पवयीन आरोपीचाही समावेश आहे. त्यांच्याकडील ११९ लॅपटॉप, मोबाइलसह कोट्यवधी रुपयांचा मुद्देमाल जप्त केल्याची माहिती झोन-२चे पोलिस उपायुक्त प्रशांत स्वामी यांनी दिली. मुख्य पाच आरोपींसह तब्बल ११६ जणांविरोधात गुन्हा नोंदविण्यात आला. सर्व आरोपींना रात्री उशिरा जिल्हा न्यायालयात हजर करण्यात आले. या प्रकरणी आणखी काही आरोपींना लवकरच अटक होण्याची शक्यता आहे
चार मजली इमारतीत वर्षभरापूर्वी थाटले होते कॉल सेंटर
चिकलठाणा औद्योगिक परिसरातील एका चारमजली इमारतीमध्ये कनेक्ट एंटरप्रायजेस या नावाने हे कॉल सेंटर सुरू होते. मुख्य आरोपी भावेश प्रकाश चौधरी, भाविक शिवदेव पटेल, सतीश शंकर लाडे, वलय पराग व्यास, अब्दुल फारूक मुकदम शाह ऊर्फ फारुकी आणि जॉन या गुजरातमधील आरोपींनी वर्षभरापूर्वी हे आंतरराष्ट्रीय कॉल सेंटर सुरू केले होते. येथून अमेरिकेतील नागरिकांशी संपर्क साधला जात असे. अमेरिकेतील नागरिकांना बनावट मेसेज टाकून संपर्क साधण्याच्या सूचना दिल्या जात होत्या. संबंधित नागरिकाने संपर्क साधल्यानंतर हे कॉल सेंटरमध्ये 'डायव्हर्ट' करण्यात येत. त्यानंतर त्यांना अॅमेझॉन गिफ्ट कार्ड, अॅपल आयट्युन्स कार्ड, झेले, वेस्टर्न युनियन आदी कार्ड विकत घेण्यास भाग पाडले जात होते. या कार्डातील पैसे हवालाच्या माध्यमातून भारतीय चलनात आणले जात असल्याचे चौकशीत उघडकीस आले.
Web Summary : An international call center defrauding Americans was exposed in Chhatrapati Sambhajinagar. Police arrested 116 individuals from Gujarat, West Bengal, and Northeast states. They posed as tax authorities, extorting money through gift cards, and funneling funds via hawala. The operation ran for a year from a four-story building.
Web Summary : छत्रपति संभाजीनगर में अमेरिकियों को ठगने वाले एक अंतरराष्ट्रीय कॉल सेंटर का भंडाफोड़ हुआ। पुलिस ने गुजरात, पश्चिम बंगाल और पूर्वोत्तर राज्यों से 116 लोगों को गिरफ्तार किया। वे कर अधिकारी बनकर गिफ्ट कार्ड के माध्यम से पैसे वसूलते थे और हवाला के माध्यम से धन भेजते थे। यह ऑपरेशन एक चार मंजिला इमारत से एक साल से चल रहा था।