छत्रपती संभाजीनगरकरांसाठी आनंदाची बातमी; चंदीगढ, अमृतसर, दिल्लीसाठी सुटणार विशेष रेल्वे!

प्रवाशांच्या गर्दीवर रेल्वेची मात! २३ ते २६ जानेवारी दरम्यान विशेष गाड्यांचे नियोजन; छत्रपती संभाजीनगरमार्गे नांदेड, चेरलापल्ली, दिल्ली, चंदीगढ आणि अमृतसरसाठी विशेष गाड्यांचे नियोजन

छत्रपती संभाजीनगर : प्रवाशांच्या अतिरिक्त गर्दीच्या निवारणासाठी उत्तर रेल्वेकडून चंदीगढ, हजरत निजामुद्दीन (दिल्ली), अमृतसर येथून नांदेड, चेरलापल्लीसाठी विशेष रेल्वे चालविण्यात येणार आहेत. या रेल्वे छत्रपती संभाजीनगरमार्गे धावणार आहेत.

अमृतसर - चेरलापल्ली विशेष रेल्वे २३ व २४ जानेवारी रोजी अमृतसरहून पहाटे ३:३५ वाजता सुटेल. छत्रपती संभाजीनगरला दुसऱ्या दिवशी दुपारी २:१५ वाजता पोहोचेल. पाच मिनिटांच्या थांब्यानंतर ही रेल्वे रवाना होईल. चेरलापल्ली येथे तिसऱ्या दिवशी पहाटे ३:३० वाजता पोहोचेल.

चेरलापल्ली - अमृतसर विशेष रेल्वे चेरलापल्ली येथून २५ व २६ जानेवारी रोजी दुपारी ३:४० वाजता सुटेल. छत्रपती संभाजीनगरला पहाटे ३:४० वाजता येईल. पाच मिनिटांनी रवाना होईल. अमृतसर येथे तिसऱ्या दिवशी दुपारी ३:१० वाजता वाजता पोहोचेल.

चंदीगढ - हुजूरसाहिब नांदेड विशेष रेल्वे ही चंदीगढ येथून २३ व २४ जानेवारी रोजी पहाटे ५:४० वाजता सुटेल. अंबाला, पानिपत, दिल्ली, आगरा, झांशी, बिना, भोपाल, इटारसी, खांडवा, भुसावळ, मनमाडमार्गे दुसऱ्या दिवशी छत्रपती संभाजीनगरला सकाळी ८:१३ वाजता येईल व ८:१५ वाजता रवाना होईल. जालना, परभणी, पूर्णा मार्गे नांदेड येथे दुपारी १:३० वाजता पोहोचेल.

हुजूरसाहिब नांदेड - चंदीगढ विशेष रेल्वे नांदेड येथून २५ व २६ जानेवारी रोजी रात्री ९ वाजता सुटेल. छत्रपती संभाजीनगरला मध्यरात्री १:१५ वाजता येईल आणि पाच मिनिटांनंतर पुढे रवाना होईल. चंदीगढ येथे तिसऱ्या दिवशी सकाळी ८ वाजता पोहोचेल.

हजरत निजामुद्दीन - हुजूरसाहिब नांदेड विशेष रेल्वे हजरत निजामुद्दीन येथून २३ व २४ जानेवारी रोजी दुपारी १२:३० वाजता सुटेल. ही रेल्वे पालवल, आगरा, झांशी, बिना, भोपाल, इटारसी, खांडवा, भुसावळ, जालगाव, मनमाडमार्गे छत्रपती संभाजीनगरला दुसऱ्या दिवशी सकाळी १०:२० वाजता येईल आणि १०:२५ वाजता रवाना होईल. नांदेड येथे दुपारी ४:२० वाजता पोहोचेल.

नांदेड - हजरत निजामुद्दीन (दिल्ली) रेल्वेची वेळहुजूर साहिब नांदेड - हजरत निजामुद्दीन विशेष रेल्वे नांदेड येथून २४ व २५ जानेवारी रोजी रात्री ८:१० वाजता सुटेल. ही रेल्वे छत्रपती संभाजीनगरला मध्यरात्री १२:१८ वाजता येईल व १२:२० वाजता रवाना होईल. ही रेल्वे हजरत निजामुद्दीन येथे दुसऱ्या दिवशी रात्री ११:२० वाजता पोहोचेल.