छत्रपती संभाजीनगर : यंदाच्या दिवाळी खरेदीत ‘स्वदेशी’ उत्पादने खरेदी करा, अशी साद घालण्यात आली आहे. बाजारात मात्र भारतीय बनावटीच्या व मेड इन चायना लायटिंगचा लखलखाट पाहण्यास मिळत आहे. यंदा ऐन दिवाळीत पावसाचा अंदाज वर्तविण्यात आल्याने वॉटरप्रूफ लायटिंग खरेदीकडे ग्राहकांचा अधिक कल दिसत आहे.
पाण्यात भिजली तरी लायटिंग होणार नाही खराबपाऊस पडला तर लायटिंग खराब होते, शॉक लागतो, अशी तक्रार येत असते. मात्र, यंदा देशभरात पावसाने थैमान घातले आणि अजूनही ऐन दिवाळीत परतीचा पाऊस जोर लावणार असा अंदाज वर्तविला जात आहे. यामुळे बाजारात वॉटरप्रूफ लायटिंग आल्या आहेत. कितीही पाऊस आला तरी बिनधास्त राहा. कारण, पाण्यात या लायटिंग खराब होत नाहीत. पावसात भिजली तरीही लायटिंगचा लखलखाट कायम राहील अशा लायटिंगची किंमत ६०० रुपयांपासून पुढे आहे.- किशोर संकलेचा, व्यापारी
१४ रुपयांपासून लायटिंगमेड इन चायनाने लायटिंगच्या बाजारात पुन्हा एकदा मुसंडी मारली आहे. १०० पेक्षा अधिक व्हरायटी बाजारात आल्या आहेत. यात अवघ्या १४ रुपयांपासून २ हजार रुपयांपर्यंत लायटिंग उपलब्ध आहेत.- रौनक बोरा, व्यापारी
रिमोटची लायटिंग लई भारीरिमोटने ऑपरेट करता येईल अशा लायटिंग बाजारात आल्या आहेत. भारतीय असो वा चिनी लायटिंग ग्राहकांना जरा हटके, आकर्षक, आधुनिक लायटिंग पाहिजे असते. त्यासाठी जास्तीचे पैसे खर्च करण्याची तयारी ग्राहक दाखवत असल्याचे व्यापाऱ्यांनी सांगितले.
पणतीच्या विद्युत तोरणाला विशेष मागणीबाजारात पणतीच्या आकाराची पारदर्शक विद्युत तोरणे आली आहेत. लहान-मोठ्या आकारातील विद्युत पणत्यांचे तोरण, तसेच ओम, स्वस्तिक अशा आकारातील माळा, झीरो बल्बच्या माळांनाही आवर्जून मागणी दिसून येत आहे.
Web Summary : Diwali shoppers favor waterproof lighting due to rain forecasts. Both Chinese and Indian lights are popular, with prices ranging from affordable to premium. Remote-controlled and traditional diya-shaped electric lights see high demand.
Web Summary : दिवाली पर बारिश की आशंका से वॉटरप्रूफ लाइटिंग की मांग बढ़ गई है। चीनी और भारतीय दोनों तरह की लाइटें लोकप्रिय हैं, जिनकी कीमतें किफायती से लेकर प्रीमियम तक हैं। रिमोट-नियंत्रित और पारंपरिक दीया आकार की इलेक्ट्रिक लाइटों की मांग अधिक है।