सिल्लोड (औरंगाबाद ) : तालुक्यातील सराटी - बोदवड - वसई परिसरात आज आलेल्या वादळी वाऱ्यामुळे अनेक हेक्टर क्षेत्रातील मका आडवी झाली आहे. या अतोनात नुकसानीमुळे तालुक्यातील शेतकरी हवाल दिल झाले आहेत.
तालुक्यातील सराटी - बोदवड - वसई परिसरातील मका पीक आज झालेल्या वादळी वा-यामुळे जमीनदोस्त झाली आहे. या शिवाय तालुक्यात ठिकठिकाणी वादळीवाऱ्यामुळे सोयाबीन, मुंग, उडीद आदी पिके आडवी झाली आहेत. यामुळे पिकांचे अतोनात हाल झाले आहेत. या पिकांचे तात्काळ पंचनामे करून नुकसान भरपाई द्यावी अशी मागणी शेतकरी व आमदार अब्दुल सत्तार यांनी केली आहे.