वाळूज महानगर : येथील रांजणगाव शेणपुंजी फाट्यावर शुक्रवारी रात्री बिअरने भरलेला कंटेनर पलटी होताच घटनास्थळी मोठी गर्दी जमा झाली. कंटेनरचा चालक केबिनमध्ये अडकून मदतीसाठी विव्हळत असतानाही काहींनी मानवी मूल्यांना हरताळ फासत रस्त्यावर विखुरलेल्या बिअरच्या बॉक्सची लुटालूट केली. अपघातानंतर जवळपास दोन तास वाहतूक ठप्प होऊन, रस्त्यावर बिअर आणि डिझेल पसरलेले होते. तसेच लुटालूट रोखण्यासाठी पोलिसांची धावपळ सुरू होती.
दि. २८ रोजी रात्री साडेसात ते आठच्या दरम्यान बिअरची वाहतूक करणारा कंटेनर अचानक पलटी झाला. लीलासन या बिअर उत्पादक कंपनीतून टूबर्गच्या काचेच्या बाटल्या आणि टीन पॅकमधील जवळपास दोन हजार बॉक्स घेऊन जळगावकडे जात असलेला हा कंटेनर धनुष्यबाण कमानीजवळ वळण घेत असताना तोल जाऊन रस्त्यावर आडवा पडला. बाटल्या फुटल्याने रस्त्यावर बिअर सांडली होती. तसेच कंटेनरमधून गळलेले डिझेल मिसळल्याने संपूर्ण रस्ता निसरडा झाला. ही परिस्थिती लक्षात घेऊन वाळूज एमआयडीसी पोलिस ठाणे, वाहतूक शाखा आणि अग्निशमन दलाचे जवान घटनास्थळी दाखल झाले. अग्निशमन दलाने पाणी मारून बिअर आणि डिझेल दूर करण्याचे काम हाती घेतले. रांजणगाव येथील सरपंच, काही पदाधिकारी आणि सामाजिक कार्यकर्त्यांनी घटनास्थळी धाव घेत मदतकार्य केले.
अग्निशमन जवानांनी गर्दी पांगवण्यासाठी केला पाण्याचा माराया परिस्थितीत अग्निशमन दलाच्या जवानांनी रस्ता स्वच्छ करण्याबरोबरच जमाव पांगवण्यासाठीही पाण्याचा मारा केला. जोरदार पाण्याच्या फवाऱ्यांमुळे रस्त्यावर उभे असलेले अनेक लोक मागे सरकले.
उर्वरित बिअर कंपनीच्या दुसऱ्या वाहनात हलवलीलुटालूट झाल्यानंतरही काही बॉक्स सुस्थितीत राहिले होते. रात्री उशिरा पोलिसांच्या उपस्थितीत कंपनीच्या अधिकाऱ्यांनी आणि ट्रान्स्पोर्ट चालकांनी उर्वरित बिअरचे बॉक्स वेगळ्या वाहनात सुरक्षितरीत्या भरून घेतले.
चालकाची सुटकाचालक सय्यद अब्दुल्ला अपघातानंतर केबिनमध्ये कचाट्यात अडकला होता. पोलिसांनी आणि अग्निशमन दलाने कटर मशीनच्या साहाय्याने त्याला बाहेर काढले. चालकाला तातडीने उपचारासाठी रुग्णालयात हलवण्यात आले.
Web Summary : A beer truck overturned near Sambhajinagar, causing chaos. Instead of helping the trapped driver, locals looted beer boxes. Police and fire services responded, controlling the scene and rescuing the driver.
Web Summary : संभाजीनगर के पास बीयर से भरा ट्रक पलटने से अफरा-तफरी मच गई। फंसे हुए ड्राइवर की मदद करने के बजाय, स्थानीय लोगों ने बीयर के बक्सों को लूट लिया। पुलिस और दमकल कर्मियों ने मौके पर पहुंचकर स्थिति को नियंत्रित किया और ड्राइवर को बचाया।